رواية أطباء في الحب \ رواية حجازية

~~~~~~~~

A6baa fe al-7o0b

~~~~~~~~







طالع الدرجات بشويش وكنو مايبغا يوصل لشــقه .. فرك راسو واتزكر هديه عيد ميلادوو من الحرمه الي ينقال انها اموو .. وقف وصار يفكر .. ينزل ولا لا ينزل ولا لاا .. ينزل ولا لاا

اخر شي كمل طلووع لين وصل الشــقه ..

فتح الباب وشاف تلاته شنط كبيرره ملونهـ .. وكل وحدهـ جنبها شنطه صغيررهـ نفس الون ..

ياسلام وصلت اغراااضهم . يعني مطولين وامو ما بتمزح في حكايه انهم يعيشو معا وينتبه عليهم ..

الشقه هادئه شكلهم ماجوو لســهـ .

راح لغرفتو فتح الباب التفتو علي كلهم .. واولهم كاسر : كان ماجيت وخلتني الداده لخوانكـ ..

: احد قلكـ انتبه عليهم

بدرر : والله من غير ماحد يقلوو الادمي يحس مو زي بعض ناااس

كاسر : اوف منكـ عليك لسان طويل .. عيب ذا اخوكـ الكبير

: لما يعتبرنا اخوانو احترموو

حسام طل في كدا طلات تفهموو .. انو لو ماسكت حجي اموتكـ .. فكدا سكت ولف علي كاسر : كمل الحكايه ..

: اقلكـ ذي موب حكايهـ .. ذا الي صارلــي ..

: لا ماصدقكـ احسكـ خواف

قمررر :طيب مو عيب تفشل اهلكـ ..

: ايه عيب .. عشان كذا هذاني متمرمط عند اخوكم الي عيشته تقررف

هلال يطل في الغرفه : من جد تقررف

حسام : اقول كاسر اطلع برا وخدهم معاكـ .. طلما الغرفه مو عاجبتكم

قمرر : اصلا مانبغا ننام هنا غرفتكـ يع ..

حسام : اصلا مو نايمين عندي

كاسر : ههههههههههه حيلكـ حسام نمزح وياكـ

: اقول اطلعو هونــي ..

بدر : بس تجي اغراضنا حنطلع .. اصلا دي مو غرفه ينجلس فيهاا

حسام : والله لسانكـ دا حينقص علي يدي

بدر يمد لسانو : كاسر مارح يخليكـ تقص لسااني

كاسر يبعد عنو : منو قالكـ موب مخليه بالعكس بساعده وبنقصه لكـ

قمرر : شريررين مررهـ

حسام يلين ملامحوو : انته دا بس اخوياا ..

قمر : لا مابغاكـ اخويا ابغا كاسرر ..

كاسر يبعد علي ورا : اقول لا تلبشون فيني ذا اخوكم روحو تلبشون فيه .. انا بروحي موب مختلص ويا نفسي .

بدر : ههههههههههههههه يب واضح .. هههههههههه

حسام : اقول اغراضكم بررهـ جيبوها هنا بسرررعه وغيرو لبسكم وانخمدووو ..

قمر : ليش ننام واحنا مانبغا نروح المدرسه

كاسر : ليش ماتبون تروحن المدرسه

هلال : مين حيودينا .. داا

وياشر علي حسام بستصغار : ماتوقع يودينا مكان ..

حسام صقع وشو بيدوو : ياربي بحلم انو عندي تلاته اخوان هنا

كاسر يشيل الشوز الي جنبو ويرمي علي حسام

حسام : اهــ ..

كاسر بجديه : تشوف اخوانكـ ..؟؟

حسام بدلاخه : ايوا

كاسر يبتسم : اجل مابتحلم ذا الي صايرر لكـ ثلاث اخوان هنا لازم تدير بالكـ عليهم من اليوم

البزوره يضحكوو علي حسام فجاءهـ : ههههههههههههههههههههه

حسام .. يتنهد : بقول كل واحد يروح يجيب شنطتووو .. يلاااا

وقفو وخرجو علي برااا ..

كاسر : بجد الله يعينكـ

: امين بس من دحين .. انت لكـ بدر .. ولياا قمرر .. وهلال حعطي لوسام .. كل واحد فيكم ينبته علي واحد .. ماقدرلهم لحالي مرررهـ ..

كاسرر .. : شوف انا كلها يومين وبيحي رودي وبفكك مني ووسام موب ماسكلك حد خله يدري عن روحه ونتفاهم .. بتقدرلهم بروحكـ .. والحين حممهم من الصابح هم بلبسهم ذااا .. خاسوو به .

وانا بروح انام .. بالاذن

راح كاسر وتركـ حسام يفكرر في الي هوا فيلووو .. يعني ايش . ماعاد في خلوهـ .. ولا هدوء .. ولا سهر .. ولا دشره .. ولا بنات .. حيجلس يقابل اخوانو دول . مره ما يجي

دخل بدر بيسحب الشنطه الزرقه .. وقمر الشنطه الصفراااا وهلال الشنطه الخضرااا

حطوها في الغرفه ووقفو يطلو في حسام يعني هات الاوامر الي بعد كداا ..

حسام رجع صقع وشوو : ياربي بحلم انو عندي تلاته اخوان هنــا ..

حس بشوز في وشوو .. وهلال وقمر يضحكوووو .. وحسام ركبو عفريت . مين الحمار الي رمي الشووزز

قمر وهلال ياشروو علي بدرر . الي انكمش : هوا كاسر سوا كدااا

حسام قرب لعندو وشالوو من قفاا بعد ماصقعو كف .. ودخلو الحمام : اقول اتروش بسرعه والبس ملابسكـ .. فاهم .. ياويلكـ تتطول اكتر من خمسه دقايق فاهم ..

بدر يطل في حسام ومو خايف من صريخو ولا اثر فيلو الكف .. : مع نفسكـ احد يتروش خمسه دقايق

حسام صرخ : ايوا اناااا

بدر : انته وسخ انا لااا

كاسر رجع نزل بيدوو علي وش بدر بكف قووي : انكتم

بدر وشو الابيض حمر علي طوول .. وكشر

حسام : فاهم ولا لااا

مو راضي يتكلم .. حسام قفل باب الحمام .. لو جيت لقيتكـ مو مخلص ياويلكــ

لف علي قمر وهلال : وهي انته وهواا .. من يخرج ادخلو اترووشوو والبسوو وكلكم انخمدو علي السريرر .. فاهمين ؟!!

هلال وقمر يحركو ريوسهم بسرعه : ايواا

خرج من الغرفه ورمي نفسو علي الكنبه مو مصدق الي بيصيرر ..

فتح التفي وطلع سجاره . جلس يشفط فيهااا .. ويتابع فلم مصرري قديم ..

شاف لقطه زكرتو باسراء .. ابتسم بخبث .. جاب راسها البنت دي عقبال مايجيبها لسريرووو ..

ماحس بالوقت يمـر .. طل في الساعه لقا الوقت متاخر .. قرر يروح يتروش وينخمد هوا كمان .. يمكن ينام ويصحي ويكتشف انو بيحلم و لا في اخوان ولا هم يحزنون

دخل الغرفه لقاهم نايمين جنب بعض ببججامتهم .. خضرا وصفرا وزرقاا .. شكلهم برئ جدن .. حزن عليهم .. وفي نفس الوقت اقتنع انو مابيحلم .. ايش تحس في اموو .. فين ابوهم طيب .. هل هما اولادها اصلا ولا لااا .. ليش تسوي فيهم وفيا كدا .. ولا هيا تخصص تعذيب لناس ..

راح للحمام اخدلو شوور .. وطلع لبس بجامتوو العوديه ..

خرج من الغرفه اتمدد في الصالهـ .. وغمض عينووو ..

علي امل ..

لما يفتحهاا الصباح ..

يكون كل شي اوكـــي ..



~~~~~~~
~~~~~~~



نهــــــــايه البارت الثاني عشــر ..

اطـــــــباء في الحب ..

قطــعه شكلاتــه ..

يسسسسسسسسسسلم قلبكك يَ قشطةة

بإنتظآر البارت الـ 13

أكيدين ليَ بآكك قراءة =")

لكك +

BARt [13]

اطـــــــــباء فــي الحـــب ... ... ...

~~~~

نعلم جميعنا انا تسارع ضربات القلب يدل علي مشكــله ..

ولكـــــن ماهي المشكله ..

قد يشيررر القلب المتسارع الي أي شــي ..

بداء من اختلال بسبب الرعب ..

وانتهاء بما هوا اكثرر ..

اكثر خطوره بكثييررر ..

وحــين يرفرف القلب ..

او حـــين ينسي خفــــقه في كـل حــين ..

فقد يشير هذا الي عله خفيه ..

او قد تكون اشاره عاطفيه ..

وهذه هي اضخم المشاكل ..

ولكن علي ما يبدو اننا لا نملك ادني سيطره علي قلوبنا ..

فقد تتقلب المشاعر بلا سابق انذار ..

ويمكن للعاطفه ان تقفززز بقلبك عاليا ..

تماما كما يفعل الذعر ..

والذعر قد يجمد قلبك في صدرك ..

فلا عجب ان الاطباء يقضون الكثير من الوقت في الحفاظ علي استقرار نبضات القلب ..

والحفاظ عليه بطيئا ..

وثابتا ..

ومنتظم ..

لمنعيه ان يقفزز من صدرك ..

رعبا من شي مقزع للغايه ..

اووو استباقا لشئ مختلف تماما ..

اوووو سكــته من قــوهـ التاثرر بالمشاعر الصادقــهـ ..

~~~~



اخــــر اليل .. .. وقبل دقااايق من ادان الفجرر .. في مستشفتنا المعررررررررررررروفهـ ..

الجووو هادي وراايــق جدن ..

ممرات المستشفي الطويله .. يكسوها الهدوء .. والسكــينه .. والظلمه ..

اما الامور في قسم الاي اررر غير جدن .. االانوار مشعلله والناس ياكترهم داخلين وخارجــين ..

تسنيم جالسه علي الكــرسي .. وحاطه راسها علي الطاوله جنبها ورايحه في سابع نومــهـ .. وفمها مفتوح .. عاد في كل شي تلقوها الا وقــت .. النوم لاحد يدورهاا ..

ماجد خرج من المصعد واتوجه لقسم الاي ارر يدورهاا .. انشغل في الايام الي فاتت وماشافها من نقلو تدريبهم لقسم الاي اررر ..

دخل القسم وما استغرب من الفوضه طبعا ناس داخله وناس خارجه .. وناس تبكي وناس تدعي .. وكدا الحال في اغلب الاوقات ..

جلس يتلفت يمين وشمال يدورها .. انتبه لدكتور معتصم واقف جنب سرير احد المرضي .. ويعاين حالتوو راحلو بسرعه : لو سمحت ..

معتصم طل في وابتسم : اهلا دكتور

ماجد يطقطق اصابيعو : هلا بيكـ كيف الامور اليوم

: كالعادهـ .. الحمد لله ..

: يعطيك العافيه

: الله يعافيك حبيبي

: كنت ابغا اسالكـ

: اتفضل

: اممممم الدكتورهـ التمدربه اممممم المناوبه اليوم امممممم

معتصم يطل في ويستنا يكمل

ماجد يسوي انو مو عارف اسمها : امممم ناسي اسمها مين مناوب اليوم

معتصم جا يهرج الا قاطعو ماجد : ايوا صح صح دكتورا اعناب اعناب

معتصم يكشر : لا الدكتوره المناوبه اليوم تسنيم اسمها تبغهااا .. تعرفهاا ..

ماجد استغرب من سؤالوو : ايوا ايوا .. اقصد لا لا . قصدي ايوا ابغها بس لا ماعرفهاا ..

معتصم : ليش مو هيا ماسكه حاله المريض بهاء النور والي هوا صاحبك ؟؟

ماجد تنح : انته مــين ..

معتصم مد يدوو : معتصم شررف الــ ..

قاطعو واتجاهل يدو الممدودهـ : اقصد ايش عرفكـ عن دكتورا تسنيم .. وانها ماسكه حاله صاحبي .. ؟؟!!

: هيا قالت لي .. وانا استغربت لما قلت ماتعرفها كيف كدا ...

ماجد بغـيره لما فكر انهم سهرانين يسلفو مع بعـض .. : متي قالت لكـ ..

: لما كانت مناوبه معايا الاســ

قطم كلمتو وطل في ماجد بتعجب : ليش بتسال .. دكتور

ماجد اتجاهلو : فينها الدكتوره

معتصم ببرائه : ليش ايش تبغا فيها

ماجد كشر وعقلو لف بعيد : فينها بقووول

رجع علي وراا ورفع حواجبو وهوا في قمه التعجب اشبو الراجل عصب .. : هناكـ في القسم التاني .. اكيد

ماجد لف عنو بدون شكرا ولا غيرو راح للقسم وفتح الستاره بهدووء .. وشاف تسنيم رايحه في سابع نومه .. خق عند شكلها ومات ضحكـ في نفس الوقت ..

تسنيم نايمه وبتشخير كمان .. وماجد لا تدورو علي .. متكبره وخوافه واخرتها تشخر وتنام وفمها مفتوح مرهـ مايجــي ..

سيطر علي ضحكتوو : احم احم دكتوره تسنيم

: دكتوره احم احم

: دكتورااا تسنيم .. !!

تسنيم في اعمق نومه ويمكن وصلت الصين ..

ماجد اتلفت حولينوو واتقدم خطوتين حط يدو علي كتفها وهزها يشويش وبعد بسرعه مايبغها تنفجع منتوو .. : دكتورا ..

تسنيم اتحركت شويا ورفعت يدها فركت خوشمها بطريقه عجيبه ورجعت استغرقت في النوم

ماجد تنح في حركتها وصار يضحكـ .. ويتخيلها كيف في السرير وشعرها متانثر حولينها اكيد حتكون نومتها احلي من كداا ..

رجع قرب لها وهز كتفها بقوه اكتر وبعد بسرعه : دكتورا تسنيم

ماتحركت ولا صحيت .. السهر عامل عمايلوو ..

اتقدم وهزها بقوه ورفع صوتو : دكتورا تسنيم دكتوراااا دكتوراااا ..

تسنيم فتحت عينها بشويش وطلت في ورجعت غمضتها بدون اهتمام

ماجد استغرب ورخا نفسو وقرب وشوو لوشها يطل في عينها اشبها دي : دكتورا دكتور ا

فتحت عينها مره تانيا ولما شافت وشو قريب منها استوعبت الامور وقفت بسرررعه وصرخت ودفتو عنهاا ..

ماجد رجع علي ورااا من الفجعه ومن الدفه وطاح علي الميزان الي ورااا وطيح المجسمات الطبيه الي جنبو والامور كلها اتكركبت في ثواني وتسنيم لصقت في الجدرر ..

جو كم ممرضه وممرض للقسم وعلي راسهم معتصم وكم شخص من الي يحبو القافه

معتصم يطل في تسنيم الي لاصقه في الجدر ووماجد الي متكركب في الارض .: ايش في ايش صايرر

ماجد يحاول يوقف ويرجع يتزحلق ويطيح ..

معتصم اتقدم لعندو ومد يدووو .. ماجد مسكها ووقف ونفض معتصفوووو بعصبيه وطل في تسنيم .. وعيونو تطلع شرار

معتصم مافاتتو الطله لف طل في تسنيم وعلي راسوو الاف علامات التعجب ..

: في شي

تسنيم بسرعه : اسفه دكتور انا كـنت انا كنت انا كـــنــ ...

سكتت لانها ماعرفت ايش تقول

ماجد يطل في الموجودين : خلاص كل واحد يشوف اموروو اتفضلووو

في ثواني اختفي التجمع لان مافي شي يستاهل الوقفه ماعاد معتصم واقف ويقلب نظراتو بينهم

ماجد يطلع حرتو في معتصم : ايش في تطالع هااا علي شغلكـ

معتصم رفع حواجبووو ولف عنهم : بالاذن

تسنيم ركبها الخوف من فضي المكان .. : انا دكتور انا

: جايا تناوبي ولا تنامي يا دكتورا تسنيم

: انــا بس كـونت دكتور والله ايوااا كونــتـ

رجعت سكتت لانها ماعرفت ايش تقوول .. وماجد بيطلعها وينزلها بعيونووو ..

: اتفضلي علي مكتبي ..

لف وتركها ا واقفه خايفه تروح لوو وتتسطر منو .. او تتهزززء ..

فاقت لما رجع لها ماجد : سمعتيني .. دكتوره تسنيم ..

اتحركت ورا : ايوا دكتور جايه

راح ماجد لمكتبو وفتح الباب ووقف علي : اتفضلي دكتورهـ

طلت في يدوو الي متكيها علي الباب .. خير يعني يبغها تدخل من تحتهاا ..

ماجد انتبه ليدو نزلها وبعد عن الباب : اتفضلي ..

رجعت طلت في المكتب بخوف ودخلت ايش حيسوي يعني اكتر شي يسوي يرفع صوتو عليكي ..

ماجد سك الباب وجلس ورا المكتــب .. : اتفضلي ارتاحي دكتورا

تسنيم تطل في الكرسي بخوف كنو شي يعض او ياكل : اممممم

طل في الكرسي لانو من طلاتها شك انو فيلو شي : اتفضلي دكتورا اجلسي ارتاحي

جلست علي طرف الكرسي وقلبها يطقطق خوف .. : امم ايوا دكتور امم اتفضل

ماجد اتقدم وتكا بكوعو علي المكتب : دكتور كانت بدايتنا غلط

رفعت عينها علي أيش المقدمه دي : امممم طــيب

: ادرري .. انكـ تكرهيني .. ومعاكـي حق انا الي سويتو يكرهكـ فيا ..

رخت راسها ورفعت عيونها وصارت تدورها في المكــان : ايوا طــيب ..

فتح الدفتر قداموو وشق منووو ورقه : نبغا نبدا صفحه جديدهـ

ترمش بدلاخه وهيا تطل في الورقه : جديدهـ اها جديدهـ طـيب جديدهـ طيب .. اهاا

ماجد يضحكـ علي تلبكها : هههههههههههههههـ دكتور اول شي ابغاكـي ماتخافي مني لاني ماراح اسويلكـ شي ابدن ..

اتزكرت الموقف الي في المصعد وكشرت : انته ماراح تسويلي شـي .. !!

عرف افكارها فين راحت : اكيد مارح اسويلكـ شي ولا راح اضركـ .. واتمني نفتح صفحه جديدهـ تقدري تتفضلي دحــين ..

وقفت بسرعه : طيب شكرن عن اذنكـ

فتحت الباب وخرجت من الغرفه وتكت جنب الباب .. ايش يبغا دا ايش وراا .. ايش الي صفحه جديدهـ وكلام فاضي .. اقول ابعد عن طريقي وانا بخيرر >> فينك قدامو ماقلتي كدا

ماجد سند نفسو علي الكرسي واخد نفس عميق يحاول يبرر لنفسوو السبب الي خلا يتكلم معها عن صفحه جديده وكلام فاضي ..






[/b]

~~~~~~~~

A6baa fe al-7o0b

~~~~~~~~







اشــــرقت الشمـــس .. وانتــشرت اشعتها في كــل مكــان .. تعلــن عن يوم حاافل .. للبعض .. ويووم ممل .. وروتيني للبعض الاخــــــرين .. ويمكن يوم يحمل مفاجئات حــلوهـ او سيئـه للبعض الاخــرين

بنسبه لمهند الامور جدن مختــلفه .. شايل هم صاحــبو .. الي لو اسبوع امورو متكركبه ..

جلس علي حافه السرير بسرعه ولبس الشراب الازرق الي علي كور بيضه .. وقف قدام التسريحه مشط شعروو بعجله علي ورااا ..

خرج من الغرفه والمعطف تحت باطوو.. والبوتــ الابيض المرريح في يدووو .. راح لطاوله الاكل : سلام صباح الخير ماما .. صباح الخير ندوو

ندي حاطه راسها علي الطاوله : صباح النوور اخويااا ..

ام مهند تطل في : وي اشبكـ ياولدي متصرفد كدا البس واترتب زي الناس .. واقعد كلك لقمتين ..

: لا لا شبعان بلحق علي حسام ..؟؟

حنين تصقع راسها : يادا الحسام الي مجنن اهلكـ

رفع عينو عليها : اقول حنو اطلعي منهاا ..

وجلس يلبس الشووز ويزبط القيطان ..

اموو : من جد حسام حسام حسام حسام .. كنو ماحد عندو اصحاب الا انته ..؟؟!!

رفع عينو علي امو بصدمه : دا حسام ؟!! حسام تعرفو ايش يعني حسام ..؟؟!! يعني انا ..

امو مشقت وحنين تصفق : عشتو لا تكونو حبايب وانا مادررر..

قبل تكمل كلمتها وصلها مهند وسدلها فمها : اقول انكتمي ..

: هممممممممم همممم امممموووموووو يمممممم

امو : اتركها يامهند ..

شال يدو عن فمها وخنقها .. : هههههههههههههه ابعد عنــي اقول ابعد ابعد ..

: سخيفه فكري قبل لا ترمي كلام فاضي

امهم : من جد ياحنين انتبهي علي كلامكـ

تصرف الموووضع : واشبو حسام انشالله ؟؟....

: بروح معاا ..

حنين بتعجب :واااا تروح معااا .. الي يسمع يقول انته بتسوي شي تاني في حياتكـ غير انكـ تروح مع حسام كل مكان كنوو ديلكـ ولا انته ديلوو ..

صقعها علي راسها : اقول اطلعي منها اعرفي مين حسام وبعدين اهرجي

: اوووف عارفين مين حسااام ..

امها : خلاص يابنت اسكتي ..

لفت علي مهند : فين رايحين يعني

: اخوانووو بيوديهم المدرسه

حنين : وانته اشلكـ اخوانكـ ولا اخوانووو

صرخ فيها وعصب من جد : حنين خلاص اتركي حسام في حالووو

طلت في بدهشــهـ .. : اما اضربني

: ايوا حضربكـ اتركي الولد لا تجيلو فهيقه ياخي ماعندكـ حد غير حسام

: والله مافي واحد اخد اخونا مننا غيرووو

طل فيها وفتح فمو يهرج الا رجع سكت ولف : انا ماشي

امو وقفت بسررعه ورا : مهند ياولدي اخسرهاا ..

: ماعليا منها بس جد لازم امشي عشان الحق علي حسام ..

باست خدو : طــيب حبيبي انتبه علي نفسكـ ولا تتاخررر .

ابتسم ورفعلها اصابيعوو : اليوم مناوب .. يعني لا تستنيني ..

ضمتو علي خفيف : الله يعينكـ حبيبي و يوفقكـ ويسخرلكـ عيال الحلال

: اميييييييييييييييييين

خرج وراح علي سيارتوو والجوال في ادنوو : الوووو ..

حسام : ايوا هااا نعم انته كمان ..؟؟؟!!!!

مهند : لا خوش لطشنــي .؟؟ خوش من السماعه لطشني حلفت عليكـ

حسام ضحكـ : ههههههههه معليش نرفزوني ياشيخ ..

: ههههههههههه مين ..

: مين غيرهم .. كاسر وبدررررر .. الله يحرقهم ياخي اشكـ انهم اخوان ..

: هههههههههههه لا تشك اخوانكـ اخوانكـ مافي مفرررر

: خلاص اقتنعت انته فينكـ

: خلاص في الطــريق ثواني وحكون عندكـ ..

: طــــــــــيب ماشــي .. سلام

قفل حسام ورمي الجوال بعصبيه : قمرررر قمرررر تعال هنااا .. تعال بقولكـ ..

قمر اتقدم لحسام بخوف ووقف قدامو : انا امممم

حسام : انكتم اقوول

شدو بقوه لعندو عدلو ازاريرر القميص .. : عيب ماتعرف تلبس ملابس انته مو صغيررر ..

قمر يلوي بوززو .. : لا ماما هيا كانت تلبسنــي ..

بدر من ورا : خليكـ انا كنت اقلكـ اكبر يا قمر اكبر انته ماتسمعني

حسام يلف علي بدر ويشمق : يعني اني كبيرر دحــين ..

بدر يشد القميص الابيض : ايوا قفلت الازارير بنفســي ..

كــاسر دخـل عليهم لابس وكاشخ ومصفف شعرو بطريقه حلووه ومرتبه وغريبه في نفس الوقت

: سلام .. ماخلصتو من الي انتو فيه

حسام ياشر علي هلال : اقول اتحرك ساوي شــي .. بدل ما تتفلسفلي .

كاسر بتعجب : كنت حساوي شي علي قولكـ .. لكن بعد جملتكـ دي موب مساعدكـ ولا شــي .. موهب منكـ من الي يفكر يساعدكـ

حسام لف عنوو دا الي ناقصوو حد يتمنن .. : فين جزمتكـ

قمر يلف حولين نفسوو ويرفع كتفوو : ماعرف..

حسام صرخ في : يعني انا الي اعرف .. ؟؟ انا ..

كاسررر الكبير انفجع من صرختوو . راح لقمررر وسحبو من قدام حسام : هي حرام عليكـ .. تبي توبقف قلبه ولا شنوو

: ايواااا ابغا اوقف قلبوو .. اوف ياربي اموووت

كاسر : لا تدعي بتموت بتموت اطمنكـ .. لو موب الحين بعدين ..

حسام اتجاهلو عشان لا يقوم يضارب معاا .. وطل في اخوانو بتهديد : كل واحد يشيل شنطتو هياا ..

هلال وبدر شالو شنطهم ولبسوها علي ضهورهم ووقفو ساكتين يستنو الاوامر من حسام ..

قمر يشد بنطلون كاسر ويتكلم بصوت راخي .. : انا مالقيت جزمتي مادري فينها

كاسر ياشر علي شنطتو : هاذي هي روح البسها بسرعه قبل اخوك يذبحك

راح للجزمه وجري لكاسر حطها علي عبوو وجلس في الارض ومد رجلوو

كاسر طل في بتعجب : شنو تسوي ..؟؟

قمر يطل في حسام بخووف ويكلم كاسر بشويش : بسرعه لبســني ..

كاسر يطل في الجزمه : انته البسها شنو ماتعرف

قمر يهز راسوو : لا لا ماعرف

حسام : قمررر خلصنييييييييييييييييييييي ..

قمر بخوف يكشر ملامحو لكاسر : لبسني بسرررعه ..

كاسر مات علي شكلو : طــيب طيب بس بعدين بعلمكـ شلون تلبسها زين

يهز راسو بقوه : زين ..

بدر من ورا : لا موباايلي

هلال : هههههههههههههههههههههههههههههه

حسام يطل فيهم : كمان تستخفو دمكم علي الصباح ..

بدر بحذر : حسام افردهااا

حسام : ايش نعم أي قلت

انكمش : ولا شــي ..

قمر وقف ولبس شنطتو وجري جنب اخوانو : خلصت خلصت .. خلصت

حسام : لا قوم نقز نقزز

قمر بسرعه صار ينقزز ..

وكلهم يطلوو في بتعجب ..

حسام علي قد عصبيتوو ومزاجو القالب ماقدر يمنع نفسوو يضحكـ لما شاف اخو ينقززز ..

: هههههههههههههههههههههههههههههههه

كاسر : ههههههههههههههههههههههههههههههههه

بدر : وااااا يعرف يضحك حسام .. يعرف يضحكـ ..

هلال : هههههههههههه Surehecan

قمر مازال ينقززز : خلاص وقف وقف هيا قدامي هياا ..

خرجو من البيت ونزلو علي الدور الاول .. وحسام شاف باب غرفه الحارس مفتوح استغرب ..

قدم راسو وطل في الغرفه ..

طلع الحارس والي اول مره يشوفوو : اهلن اهلن ياباشاا ازيكـ

حسام : ؟؟؟؟!!!! بخير مين انته

: انا الحارس القديد تبع العمارهـ ..

: وفين القديم انشاللهـ ..؟؟؟

: خلاص دا راح أي خدمه يا باشاا ..

طل في كدا من فوق لتحت شكلو مو شكل حارس .. يعني ممكن تعطي مغني ممثل خقق من الملامح للجسم : لا تسلم بالاذن

: اتفضل ياباشااا تحت امررركـ .. في خدمتكـ .. أي حاقه تحت امركـ ..

خرج وعلي راسو علامات تعجب وصل لسيارهـ دخل اخوانوو وتكا عليها يستنا مهند .. وكاسر واقف قدامو يطقطق في جوالوو ..

انفتح قزاز السيارهـ وبدر طلع راسوو : نبغا فطوور نبغا ناكل جيعانين ..

حسام : مافي اكل

بدرر : مابكلمكـ انا بكلم كاسر ..

كاسر : اقول اخوكـ فيذا تكلمني انا حق شنوو

بدرر : ماحبوو مانحبوو .. ومارح ياكلنا اصلا ..

حسام : انا الي ميت فيكم

بدر يرفع شعروو عن عينو بغروورر : مو موضوعناا .. موضوعنا نبغا اكل ..

كاسر ياشر علي حسام : موب سيارتي ولانتم اخواني تكلمو ويا اخوكم طلعوني منهااا

حسام : اقول دخل رسك وانكتم حتاخد مصروف كل في المدرسه ..؟؟

بدر : لا اكل المدرسه مو كويس ..

: قلت لكـ دخل راسكـ جوا لا اقطعلكـ هوا

قمر يفرصع عينوو : شريررر ..

بدر انتبه لسياره مهند صرخ علي طول : جااااااااااا جاااااا

فتح الباب ونزل وهلال وقمر نزلو ورا طوالي وحسام يطل فيهم بتعجب

مهند وقف السياره ونزل .. ومن شافهم بيجروو علي فرد يدوو : هلا والله بحبايبي اخوان حبيبي . حسام

بدر يكشر : ليش تحبووو

قمرر يتشعبط في مهند : جيعان حسام يقول مافي اكل

مهند يشهق : ماسوالكم فطور يعنــي .. ؟؟!!

بدر يطل في حسام بحقد : لاتخــيل تخــيل ..

هلال : وانا ماكلمتو عشان لا يخاصم

مهند راح لكاسر وحسام : خير تودوهم المدرسه بدون فطوور .. ؟؟

كاسر ياشر علي حسام : كلم اخوهم انا طلعوني منها

حسام زفرررر : مهند لا تبدا انته كمان

مهند يكشرر : الهم صباح خير اشفيك حسام ..

ياشر علي اخوانو بقرف : ايش فيا لسا تقول ايش فيااا .. انا حسام اتقيد بتلاته اطفال مجانين .. انا حسام . اوديهم المدرسه .. علي اول عمررري .. خير خلفتهم ونسيتهم ولا ايش

مهند يحاول يسد لهم ادانيهم : حسام لا تقول قدامهم كداا

طنشو ولف علي السياره : كاسر اركب

كاسرر ركب بسررعه : وهاذي طلعه

حسام رخا القزازز : اذا صعبانين عليك مره وديهم فطرهم واقلعهم المدرسه .. وياحبذا تجي تاخدهم من المدرسه كمان .. والله حاله

قفل قزاز السيارهـ .. ومشي .. ومهند وقف متنح يطل في .. من جدو داا ..

بدر يشمق : مع نفسوو حتي سيارتو مو حلوووهـ

قمرر : مره شريرر .. ماحبوو

هلال : انا جيعان

مهند جلس علي ركبو وابتسم لهم ومسد علي شعورهم .. : يلا نروح نفطرر ونروح المدرسه طــيب

كلهم بصوت واحد : طيب





~~~~~~~~

A6baa fe al-7o0b

~~~~~~~~


[b]

نــــــرجع للمــستشفي .. ولقسم الاي اررر بالتحديد ..

مهند متكـي بكوعوو علي الطاوله وحسام وكاسر قداموو : طيب واذا مافي حوادث ولا حالات خطره ايش نسوي في حياتنا نجلس حاطين ايدنا علي خدنا

كاسر يهز راسو : ايه ذا الي بيصيرر .. تحط ايدكـ علي خدكـ لين ينتهي الدوام ..

اعناب متكيه علي الجدر وتلعب في اطراف شعرها وهيا مسرررحه ..

تسنيم ماهي احسن حال منهاا .. حاطه ايدها علي خدها زي مهند .. وتطل في الرايحين والجاين بطـفش ..

جا معتصم لعندهم : سلام قروب كيف الحال

كلهم اتعدلو وصلحو نفسهم : اهلن دكتور بخير

معتصم : ايش فيكم طفشانين كدا

اعناب تطل في وتشغل تفكيرها باي شي عشان تبعد وهيب عن بالها : دكتوور من فين اشتريت جزمتكـ

معتصم رفع عينو عليها بتكشيره وكل القروب لفو علهيا لان سؤالها غلط جدن ..

انتبهت لنفسها وابتسمت : ســوري عجبتني الجزمه

معتصم يرفع الجززمه : اها اشتريتها مــن الـ .....

وبنبره تريقه : عادي يلبسوها النساء ..

حسام ومهند وكاسر : هههههههههههههههههههههههههههههههههه

معتصم ضحكـ لضحكتهم : ههههههههههههههههههه

واعناب وشها صغر : لا لا قصدي اممم

تسنيم حزنت عليهاا : دكتور لو سمحت بما انو مافي حالات ممكن اروح لقسم وحده غسيل الكلي عشان استاذ بهاء ..

معتصم قرب لعندها : ابغا اعرف ايش تسوي عندوو

تدور عيونها في المكان : امم يعني هوا دكتور ماجد طلب مني اجلس معا

معتصم يطل في الشباب طله سريعه : ايش تجلسي تسوي معا

رجعت علي ورااا ورفعت حواجبهاا : ممكن اروح ولا لاا

معتصم ببرود : لا

لينت ملامحهاا .. : بس لو مارحت دكتور ماجد حيسويلي مشكله لازم ارح دكتور

لف عليها : قلت لااا ..

اعناب : دكتور خليها تروح كدا ولا كدا مافي حالاتـ ..

دق تلفون الطوارئ وقطع عليها جملتها

حسام بحماس : طوارء مستشــفي الــ ...

ملامح وشو اتغيرت وكشر دليل انو مو فاهم أيش الي بينقال ..

معتصم بسررعه : شفتيييييييييييي وهاادي حالهـ ..

مهند وقف بحماس : واخيرن شغل

معتصم يلبس البس البيج الواقي .. ويلف لكاسر : بسررعه

كاسر يطل بتناحه : شنو

معتصم : اربط شنو يعني

كاسر بستنكار : اناااااااا

معتصم لف ورمالو طله تخوف : ايوا انته

كاسر ربطلو اللبس بسررعهـ .. وهوا مقهور خير شنو شايفني .. الكاسر سعود علي اخر عمره .. يسوي كذا ..

معتصم لف علي مهند وحسام : البسوو ورايااا ..

اشر علي كاسر : وانت .. خليك هناا ..

كاسر بصدمه : انااا

معتصم طنشو ولف ..

اعناب الحماس اكلها : دكتور دكتور وانااا

معتصم طل فيها كدا شويا : اوكـ تعالي دكتورهـ

نقزت : يس يس .

ولفت تطل في كاسر طلات شماته وخرجت وراهم بعد مالبست

وصلت سياره الاسعاف الكبيرهـ .. وانفتح الباب وخرجو المسعفين وخرجو السريرر الابيض الي راقدهـ علي حرمــهـ .. حامل .. والدم مغطي راسهاا ..

نزلوو معها ولدين واحد ماسك ايدها والدموع اربعه اربعه والتاني يحاول يتمالكـ اعصابوو

اعناب صعبو عليها مرهـ ..

المسعف : ليلي عز الدين العمر 39 الحاله d ضغط الدم غير مستقر .. والجنين في حاله خطــرهـ .. طاح علي راسها دولاب وفقدت الوعي لمده ساعتين وفاقت قبل دقايق ..

معتصم يشيل لائحه البينات : وايش هيا الاصبات ..

: كسر من الدرجه التانيه في جمجمه الراس مع نزيف حاد .. والمؤشرات الحيويه ثابته .. مع ضيق في التنفس

الحرمه تحاول ترفع نفسهاا وماسكه بطنها : انا مافيا شي .. ولدي الحقو ولدي الحقو الله يخليكم

وترجع تبكي والاولاد الي معها يحاولو يهدوها

حسام : كاااي .. لو انا افكر في نفسي .. ولدي قال ولدي

مهند عيونو تدمع : اما حرام عليك ولدهاا ..

معتصم صرخ فيهم : اتحركوو واقفين ليش ..

مهند وحسام واعناب مو عارفين ايش يسووو بالزبط اكتفو انهم يطلو في معتصم بتناحه .

لكن صرخت معتصم للمره التانيه فوقتهم : اتحركو بقووول

مشيو بسرعه لسريرر .. وسحبو لجوا المستشفي .. كاسر وتسنيم من شافوهم راحو لعندهم

معتصم طل فيهم : خير خمسه متدربين علي مريض ..؟؟ قلت خليكم هناكـ

اشر علي تسنيم : وانتي اطلعي لمريضكـ اذا تحبــي ..

قفل الستارهـ .. وحاسو مع المريضه اكسجين .. مغززي .. قياس ضغط .. نقل دم .. وغيروو

الحرمه تمسكـ بطنها وتشهق : دكتور حولد حولد دكتوررر

حسام يعفص ملامحو : اما تولد

مهند يدف كتفو : اسكت وجع ولا انقلع مع كاسر هناكـ ..

معتصم ياشر لحسام : اضغط الزر واطلب دكتوراا رهاا ..

حسام في عز المعمعه يبتسم علي طاري رها زمان عنها

معتصم صرخ في : مو وقت ابتسامات بسرررعهـ ..

راح لزرر وطلبها ورجع متحمس : ايش كمان دكتوررر ..

مهند قدامها مصدووم من مويه الرحم .. : دكتوررر ولدت ولدت

معتصم .. انتبه لتخطيط القلب يضعف : اعطوها مـ .... بسرعه ماينفع تولد طبيــعي ..

مهند تنح : تولد طبيعي .. نعطيها ايش .. ؟؟؟

معتصم يكررلوو : اعطيها ...... ماتعرفو كمان

مهند بالفعل مو عارفوو وقف ساكت ويطل في معتصم كنو اول مره يسمع الاسم

معتصم مشق ولف علي حسام : وانته عندكـ معلومه عن الــ ...... ولا كيف ..

حسام يهز راسوو بصراحه : لا ..

اعناب رفعت يدها وهيا تسترجع معلوماتها .. : انا انا دكتور اعرف

: ايش تسني اتحركــي ..

راحت بسرررعه ورجعت في يدها الابررهـ الي فيها الماده المطلوبه وحطتلها هيا في المعززي ..

جات رها للغرفه وبعدت اعناب ومهند عن طريقهه : ايش عندنا هنا

معتصم بسررعه : ضغط الدم والمؤشرات الحيويه غير طبيعيه .. لازم الجنين يطلع ..

رها : كيف نبضات قلب الجنين

معتصم .. : ضعيفه نوعا ماا ..

كشفت رجل المريضه تعاين الوضع .. بعد ما اتحققت من الاجهزهـ ..

: دكتور معتصم انقلوها للعمليات حالاا .. لازم نخرج الجنين ..

وقبل تخلص كلامها كان السريررر بينسحب لقسم العمليات .. ومهند وحسام واعناب ماشين وراهم زي المغنطيس .. وماهم عارفين أيش الطبخه ..

معتصم لف عليهم ووقفهم : خلاص انتو .. دكتور مهند تعال معيااا ..

دخل مهند معا ووقفو حسام واعناب يطلو في بعض بقهر ايش معنا مهند يدخل وهما لا مره مايجي ..

جو الولدين لحدهم : ايش في ايش صاايرر

حسام : اممم والله حقيقه مادري بس حا..

الولد بصدمه : ماتدري ..؟؟؟

التاني يمسح دموعو : دكتوره اشبهااا ليش دخولهاا هناكـ

اعناب وتسترجع كلام مازن : والله كل شي بخيرر دخلوها غرفه العمليات عشان الجنين ..

لكن هيا بخير انشاللهـ

الولد بصدمه : يعني النونو حيمووت ..!!!

اعناب بسرعه : لا لا مادري قصدي لا لا مارح يموت انشاللهـ ..

الولدين طلو فيهم بتعجب ايش الي ماتدروو .. اجل احنا الي ندرري ..!!

حسام حب يكون مفيد : ادعولهاا العمليه بسيطه جدن قيصريه يستخرجو الجنين وبس ..

الاولاد مو عاجبهم حسام ابد .. رجعو لفو علي اعناب : عمليه ايش

ضحكت علي حسام في قلبها : زي ما قال الدكتور حسام .. قيصريه بس .. اتفضلو استريحو

راحو الاولاد وجلسو علي كراسي الانتظار وحسام يطل فيهم بحقد : احسن انها مريضه اجل مو عاجبكم انا ..

اعناب تبعد عنوو : لا تقول احسن حرام عليكـ هادا وانتا دكتور

بعناد : انا متدرب فقط لا غير ..

طنشتو وراحت وهيا مقهوره من معتصم يدخل مهند ويخليهم برااا ..

حسام رجع لكاسر وهوا مبوز .. ولقا بوز كاسر اطول منوو من شافو ضحكـ : هههههههههه ايش فيك

كاسر مره معصب من معتصم جا يهرج قام سكت .. عشان لا يغلطـ علي

حسام يرفع كتوفو : طيب ماشي .. خليكـ ساكت ..







~~~~~~~~

A6baa fe al-7o0b

~~~~~~~~
[b]

~~~~~~~~

A6baa fe al-7o0b

~~~~~~~~









خرجو من الكفتريا وكل واحد شايل في ايدو كوب .. كوفي .. وبيسولفو طبعا .. حالهم كحال أي اتنين يرتاحو لبعض وماعندهم شغله ولا مشغله

مهند ياكل من الدونات : يب اخت وحدهـ في الجامعه الله لا يحرمني منها ما تتخيلي قد ايش احبهاا

: الله لا يحرمكـ منها تخيل انا ماعندي اخوان مــرهـ ..

: ياحراااااااااااام .. وعايشه كدا مع نفسكـ

: لا عندي خالـ ..

سكتت واتنهدت باسف ..

مهند طبعا مافتتو التنهيدهـ : اشبكـ

: لا ابدن بس عندي خالي وهيب .. مملي عليا الدونيا الله لا يحرمني منوو

: كويس عايش معاكم هوا

اعناب ترجع تتنهد وتسرح في وهيب .. : يب عايش معاناا .. ننام مع بعض نصحا مع بعض .. نخرج مع بعض ونجي مع بعض .. كم مره يجي المستشفي .. اوريكـ هوا في يوم انشاللهـ ..

: مره يجي ترا نادر تلقي البنات علاقتهم ع خيلانهم او عمانهم كدا

رجعت اتنهدت للمره المليون : يب يب نادر جدن .. خصوصا علاقتي مع وهيب مره غيرر

مهند وقف ولف عليها : طيب ايش التنهيدات دي من اول

حست علي نفسها ورمشت بسرعه : اما ايش ايش في

مشق : من اول تتكلمي عن خالكـ وتتنهدي اجل لو تهرجي عن حبيبكـ

شهقت وحطت يدها علي فهما .. يالطيف لدرجه دي واضحه مشاعرهاا ..

مهند انفجع من شهقتها : سوري ماقصدت

ابتسمت تصرف : لا عادي تصدق مهند

: يب اصدق كل شي حتي لو قلتي انكـ تطيري

: هههههههههههههههـ .. ماعلينا

اعناب ترتاح جدن لمهند وتقول كل الي في بالها : اقولكـ ليش بتنهد

مهند بحذر : يو كان ..

: امممم يعني اتمني احب او اتزوج واحد زي خالي وهيب .. حساس طيوب رومنسي .. فاهمني من غير لا اهرج افهمو من غير لا يتكلم .. يعني كدا مره مندمجين انا وخالي ..

مهند طل فيها بخوف : بنت لتكوني تحبي خالكـ

لفت علي وفرصعت عينها : مهند

مهند بعد عنها : لا تكبي الكوفي عليا بليزززز ..

لفت عنووو وقلبها صار يدق .. من جد لا اكون احوب خالي وهيب .. مره مايجي مره مايجي

شدت علي يدها بعصبيه وصوتها انرفع : مره مايجي

مهند بعد عنها المره دي بخوف : اشبكـ اعناب ايش الي مايجي ..

: مايجي .. يعني مايجي .. مادري مادري طالعه السطوح تجي

: طيب طيب

اتوجهو للدرج .. وطلعو علي السطوح .. مهند اعطها الكوب والدونات : امسكي ..

اخدتو منو وهوا فتح الباب وابتسم علي الهوا الرطب الي صفع وشو : يااااهـ يرد الروح

اعناب خشت خلفوو وبالها مو معهااا : أي روح ياهمي ليلي شمس ورطوبه بس .. مره مايجي

لف عليها : اشبكـ علقتي علي الكلمه دي يابنت

: مادري لا تسالني سيبني مع نفسي بليزز

: طيب حاضر حسكت

مشيو لسور الراخي حطو اكواب الكوفي وتكو يتفرجو علي الساحه الخاليه الا من كم نفر يمشو بين كل فتره وفترهـ ..

اعناب بودها ترمي نفسها وتموت ولا انها تحس الاحساس الي بتحسوو ..

زفرت بطــفش : مهند الحقني

مهند لف عليها : سوبر مان في الخدمه

خبطت كتفوو بخفه : مابتريق

: طيب هاتي

: ايش تسوي بنفسك اذا حسيت انكـ بتسوي شي غلط

: ايش اسوي في نفسي نفسي مالها ذنب

رجعت خبطتو : مو منكـ من الي يسالكـ

: افااااا ..

: لا تافف عندي روح بالله

: ههههههههههه طيب سكتنا

: اوووف مهند ابغا انتحرررر .. ابغا انتحرررر ..

مهند ياشرلها علي السور : بس اطلعي هنا وقولي الشهادتين وانقززي .. قبل توصلي الارض وانتي قطعتي

طلت في بنص عين : بايخ

مهند طلع علي السور : لا جد اوريكي كيف

اعناب شهقت وبعدت علي ورا : مهند الشيطان ما مات مهند الشيطان ما مات انزل انزل مهند انزل بلا سخافه

مهند يضحكـ ويطلع رجلو علي برااا .. : واوا اعناب ونااسهـ .. تعالي جنبي

اعناب تصرخ : مهند لاحد يشوفكـ مهند انزل امانه يامهند لا توقفلي قلبي

مهند خرج رجلو التانيه بره السور وصارت رجلينو بره يعني أي احد يدفو .. انتهينا ماعاد في مهند

: هههههههههههههه عنوشه والله يفوتكـ

اعناب شويا تبكي : مهند امانه انزل

مهند شال الكوب : مافي كدا مرتاح انا ..

جوهـ المستشفي مازن خرج من قسم الطوارئ وهوا مستغرب فين تكون راحت

لازم يكلمها في المووضع ويوضحلها موقفو تعرف منو ولا تعرف من غيروو .. ايش هوا الي تعرفوو .. >> حنعرفو بعدين ..

كل الي كان بيسوي ويغطي ماعاد ينفع دحين اعناب مصيرها تعرف .. ولو عرفت من برا حتكرهو

طلب المصعد .. وهوا يفكر في السطوح .. معقوله تكون طلعت السطوح في دا الحر وفي دي الشمس ..

اتوقع تسويهاا ..

طلب اخر دور .. ولف علي المرايه يتخيلها قدامو : دكتوره اعناب ابغا اقلكـ شي لا تاخدي موقف مني واعرفي اني مالي دخل

ضرب راسوو : لا لا دي طريقه هبلهـ ..

رجع صلح وقفتو : اسمعي يا اعناب انا مالي دخل في كل دا وتوي اعرف زي زيكــ ..

رجع ضرب راسوو : لا لا مايجي

اتصلح : شوف يمن الاخـــر .. كيت وكيت وكيت .. ايش رئيكـ

فركـ وشووو : اوووف لا مــرهـ لااا ..

انفتح المصعد علي السطوح .. طلع وفتح الباب ..

وانفجع لما شاف مهند علي السور واعناب تصرخ علي تقلو ينزل

مازن فكر بدراماا وحسب انو مهند بدو ينتحر ..

مشي بشويش يعني انو يبغا يفاجئو ويمسكوو ..

اعناب انتبهتلو : دكتور مازن

مهند من سمع مازن انفجع ولف بسررعه رفع رجلو الا زلقت وقرب يطيح صار يلوح يدينوو

واعناب غمضت عينها وصرررخت : مهند لااااااا ...

مهند مسك السوور وقلبو شويا يخرج من مكانوو .. لا لا كان حيكون في خبر كان .. لو لا الله ثم السوور ..

مازن غمض عينو واتنهد برتياح لما فتحها وشاف مهند ماسك السور بيدينوو .. وشووو مزرق من الخوف

مشيلو بسرعه مسك يدو وسحبووو .. : دكتور مهند ايش بتسوي اقدر افهم

مهند حط يدو علي قلبو ومو مصدق انو واقف في الارض صار يتنفس بصعوبه وعيونو مفرصعه بفجعه .. متخيل شكلو في الارضيه وجمجومتو متفشفشه والدم طالع من فموو .. وميت

اعناب مشيت لعندو وبكيت : مهند انته مهند انته انا قلت لكـ انته ماتسمع ماتسمع

مازن رفع يدو وصفق مهند كف علي وشوو : تبغا تقتل نفسكـ قلي تبغا تقتل نفسكـ

مهند حتي الكف مافوقوو من الي هوا فيلوو .. صار يرمش بفهااوهـ ومنظروو الي عقلو بيرسملو هوا انو طايح في الارض والدم طالع من خشمو مو راضي يغيب عن بالوو

اعناب صارت ترجف جلست في الارض وصارت تبكي وتشهق من قلب تتخيل مهند طاح قدامها ايش كان ممكن سوت ..

مازن رجع صقعو كف تاني والمره دي فاق علي نفسوو .. وطل حولينو بزهوول .. انا حي انا حي انا علي الارض .. : آآهـ دكتوور

فال كلمتو وداخ طاح في الارض

واعناب انفجعت بزيادهـ ليكون مات وصارت تبكي

مازن جلس علي ركبو يقيس ضغط مهند رفع جوالو وطلب رقم واحد من اصحابو في الطورئ وقلهم يطلعو لمهند بالاسعفات .. مع انو الواضح انو فقد الوعي من الصدمه ..

ترك مهند ووقف اعناب : دكتورا دكتورا لا تبكي لا تبكي .. مهند مافي شي ..

اعناب تشهق : مازن انا قلت لو لا تطلع قلتو انزل ماسمعني ماسمعني

مازن قربها لو وضمها بشويش ومسد علي ضهرها : صلي علي النبي صلي علي النبي

اعناب انتبهت انها في حضن ماززن .. سكتت وصارت تدور عيونها في المكان ..

مازن بعدها عنو : هدي طــيب ..

هزت راسهاا وهيا تطل في مهند شويا وفي مازن شوياا

ومازن في عالم اخر .. ضمها لو قربها منو شم ريحتهاا .. كيف حيقدر يقلها علي الي يبغا يقولوو .. ايش حيكون موقفها منووو ..

جو المسعفين لسطووح .. وشالو مهند نزلو تحت لطواري ..

واعناب ماشيااا ورا وكمان ..

دخلو الغرفه يعاينو حالتو

واعناب واقفه عند الباب تتحاشا تطالع في مازن .. ومازن يتحاشا يطالع فيها

هل ياتري بيتحاشو يطلو في بعض لنفس الاسباب .. جايزز .. وجايزز .. لاا ..







~~~~~~~~

A6baa fe al-7o0b

~~~~~~~~