رواية هلي الله يسامحكم .. إذا ما كان عاجبكم

تذكير بمساهمة فاتح الموضوع :

" البارت الأول "

يوم الأربعاء في مدرسة ثانوية الـ...... وبالذات في فصل 3/4 أدبي وفي الحصة الأخيرة :
سارة : أففف وش ذا الطفش ! شوق من علينا الحين ؟
شوق : ابله أميرة
سارة : ويييييع غثيتيني الله ياخذك
شوق : وجع سألتيني وجاوبتك , تدعي عليي ليش ؟
سارة: اسكتي بس اسكتي
سارة بنت حبوبة و مفرفشة , جسمها حلو بيضاء وعيونها سود وحلوين وشفايفها وردية
شوق بنت حبوبة ومفرفشة بعد , جسمها كمان حلو وبيضاء .
منى كانت طالعة تحووس بما ان المعلمة ماجت لسه ولا شافوها البنات إلا داخلة الفصل و تصارخ : البشارة يابنااات
البنات وبصوت احد : شنوو ؟
منى : ابله أميرة غاااايبه .
البنات قاموا يصارخوا من الوناسة و مسكوها طبل ورقص و أغاني و هبال موب صاحي .
دخلت عليهم ابله معصومة وشافت البنات والهبال اللي فيهم وعصبت : بناات , وين قاعدين انتو ؟ لا يكون تحسبون نفسكم في مرقص ؟
البنات سكتوا بس كانوا ماسكين نفسهم عشان ما يضحكوا
ابله معصومة : هذا وانتوا كبار المدرسة , أجل شنقول لأوائل والباقي ؟
منى : ابله احنا مستانسين انو ابله أميرة غايبة و نبي نحتفل حرام ؟
ابله معصومة : وش قلة الأدب هذي ؟ احترمي اللي واقفه قدامك على الأقل .
منى وهي ماسكة نفسها من الضحك : والله ابله الكذب حرام و أنا ما تعودت على الكذب عشان أكذب وأجاملش .
ابله معصومة : أقول انثبري مكانك وبلا فلسفة زايده
منى : أنثبري .! هذا و مدرسة عربي بعد .!
ابله معصومة بعصبية : منى .. وبعدين معاك ؟
منى تروعت : اسم الله ...طيب
البنات على منى و هي متروعة : هههههههههه
ابله معصومة : بناااااااااااااااااات
سكتوا البنات
وجلست منى مكانها وعدت الحصة على خير مع أنو البنات طلعوا قرون ابله معصومة .
البنات اليوم الأرض مو سايعتهم من الفرحة اليوم الأربعاء و راح يعطلون اسبوعين للعيد , فقرروا سارة وشوق مع لُجين وجوري أنهم في الليل يجتمعون عند سارة , عشان كذا كلهم راحوا لبيوتهم و خذوا شور وناموا .
لجين بنت حلوة مرة البنات ينعجبون بها بيضة وشعرها قصير
جوري مليانة اشوي و جسمها مطلع جمالها وشعرها قصير اقصر من لجين .
جلست سارة من النوم الساعة ( 7 ) عشان تجهز للجمعة اللي راح تكون الساعة (9)
نزلت لأمها : يمه اليوم شوق وجوري ولجين بيجون عندي على الساعة ( 9)
أم مساعد : ماعليه يمه بس مو ناقصش شي ؟ ماتبي شي أخلي مساعد أخوك يجيب لك ؟
سارة: أنا بروح اشوف الخدامة وبشوف الأغراض إذا في ولا لا أقولك .
أم مساعد: طيب
راحت سارة المطبخ وشافت الأغراض الناقصة وقالت لأمها عنها وراحت تجهز

عند شوق : يلا خالد بلييز .
خالد : اففف أزعجتيني خلاص روحي البسي عبايتك و أنا طالع إن تأخرتي دقيقة بمشي .
شوق : طيب طيب أووف يذل الواحد ذل .
خالد : ترى أهون .!
شوق : خلاص خلاص بروح ألبس عباتي
راحت شوق تلبس عبايتها كانت لابسة بنطلون جنز وبلوزة حلوة و حاطه لها كحل و قلوس

عند لجين : ماما أنا رايحه الحين تآمري على شي ؟
أم وليد : سلامتك بس انتبهي لنفسك .
لجين : يسلمك ماما بااي
لجين كانت لابسة تنورة قصيرة لحد الركبة حمرة مع بلوزة بيضاء كانت حلوة مع القلوس و الكحل و وطلعت مشي رايحه لبيت سارة وأثناء ماهي تمشب جاها ولد يتميلح عندها : عطنا وجه ياحلو
لجين عجبها شكل الولد كان حلو بس هي دائما تكابر: خير بغيت شي ؟ , يليت حلو عاد عشان تتميلح
جاسم وهو يقرب منها : أفاا ما عجبتك ؟
لجين مو مشكلة عندها بتلعب اشوي : لا والله انت الجمال كله
جاسم خق : وهـ فديتش أنا ( وكل ماجاله ويقرب )

عند جوري : يمه يلا باي تأخرت على البنات
وطلعت مستعجلة من البيت

شوق هي أول وحدة وصلت : هاي سوسو
سارة : أهلين نوورتي أخبارش ؟
شوق : بلا هبال توك اليوم شايفتني
سارة : مالت , على الأقل جاملي
شوق : ما علينا , طالعه تهبلين يالدووبة .
سارة كانت لابسة فستان قصير لحد الركية لونه أحمر ولف على الرقبة و حاطة قلوس أحمر مع كحل أسود غاامق طالعة نعومة وحلوة مرة , دّخلت سارة شوق للغرفة , شوق : وهـ فديتش حاسة فيني جاية ونفسي أرقص و ما شاء الله عليش مجهزة الأستريو .
سارة : هههه القلوب عند بعضها حتى أنا فيني رقص الليلة .
قاطعهم صوت جوري داخله : هااي صبايا , أكيد تحشون فيني ها ؟
شوق : اهلين ., أنتي وش هالذوق اللي عندش الناس تدخل و تسأل شخباركم مو تدخل بهواش ؟
سارة : عدال عليش سألتش شخبارش وطبيتي فيني .
شوق فشلت وسكتت .

عند لجين : جاسم
جاسم : عيووونه
لجين : أنا لازم امشي الحين تأخرت على البنات .
جاسم : والبنات أهم مني ؟
لجين ( مسكين صدق نفسه ) : لا طبعا بس ما أبيهم يشكون .
جاسم : أوكي حياتي بس بطلبك طلب , لا ترديني .
لجين ( اففف وش ذا الوهقة ) : آمر عيوني لك .
جاسم : وهـ فديت العيون وصاحبتهم أنا , أبيك ....
لجين حست انها توترت هذا أول واحد من اللي تعرفت عليهم أو بمعنى أصح لعبت عليهم يطلب منها طلب غير رقمها , وطبعا هي عطته رقمها من كذا توترت .
لجين بدلع : ما قلت شنو تبي ؟
جاسم : أبي بوسة هون ( ويأشر على خده )

عند شوق وسارة وجوري , شوق : لجين غريبة تأخرت مو من عوايدها . لا يكون ناوية تنكب فينا ؟
سارة : والله ما ادري عنها وش قصتها , بقوم أدق عليها .
جوري : لا تروحي دقي عليها من الجوال يمكن تصير طلعت
سارة : طيب ,
ودقت على لجين .
لجين مرتبكة من جرأة جاسم ولا بالشارع يبيها تبوسه , وما عرفت شنو تسوي ولا بشنو ترد , سمعت صوت جوالها يدق وحمدت ربها انها بتقدر تصرف الموضوع : حبيبي هذي أكيد وحده من البنات أنا برد عليها اشوف .
جاسم : طيب قلبي .
لجين : هلا
سارة : وجع تو الناس لا كان رديتي .!
لجين : سوري سارونه ماكنت منتبهة
سارة : ومن اللي ماخذ عقلك؟
لجين : سويره بلا ملاقة هذا انا في الطريق
سارة : طيب ننتظرك
وسكرت
لجين : يلا قلبو انا بمشي لا يأكلوني البنات
جاسم : أوك بس ما بستيني ؟
لجين حست انها متهوقة جد : مرة ثانية عمري
جاسم مسك يدها : على وين يا قمر وش شايفتني مجنون أخليك تضيعي مني ؟
لجين خافت منه ومن جرأته على كثر اللي لعبت عليهم ما واجهت موقف مثل كذا حاولت تخفي ارتباكها : عمري مو قدام الناس أنت عندك رقمي يعني ما راح أضيع منك خلاص عمري ؟
جاسم : توعديني ؟
لجين : أوعدك
جاسم : أوك حياتي باي
لجين وهي ماهي عارفة شلون تحمد وتشكر ربها لأنه أنقذها منه : باي , و كملت طريقها لبيت سارة , دقت الباب وكالعادة طلعت لها الخدامة
لجين : هلا وين سارة ؟
الخدامة : في الغرفة تفضلي .
لجين وهي داخله عليهم وتشوفهم يرقصوا : أيا النذالة , شلون تقدرون تتونسون وترقصون بدوني ؟
البنات شافوها وشافوا شفايفها تتحرك بس لأن صوت الأستوديو عالي ما سمعوها
طفت سارة الاستريو : تو الناس كان ظيتي بعد .
لجين : سكتي بس لو تدرين وش صار لي و أنا جاية .
شوق وسارة ولجين بحماس مع بعض : شنوو ؟
لجين : بسم الله اشوي اشوي عليي خرعتوني .
جوري : اخلصي وش صار ؟ عطيناش وجه .
و قالت لهم لجين عن اللي صار لها
جوري : هااا ... من جدك انتي ؟
لجين : والله شفيش , مو مصدقة ؟
شوق وهي تمثل أنها تنظف أذنها : نعم عيدي ماسمعت عدل
لجين : لا حول . وبعدين وياكم ؟
سارة : ما عليش منهم . والحين وش ناوية تسوي معاه؟
لجين : عادي بلعب عليه مثل أي واحد و بقطه
جوري : بس هذا غيير
لجين : غير شنو ؟ تميلح عندي بالشارع وأخذ رقمي ..في شي جديد ؟
شوق : اييه في شي جديد , هذا مسك يدش
لجين: أففف انا هذا اللي قاهرني
سارة : اهوو بس طنش تعش تنتعش . وما كأنه صار شي قوموا بس نكمل وناستنا .
لجين : على قولتك , قوموا نرقص أبي أرقص أنا
وقامت فصخت عبايتها وقعدوا يرقصوا ويستهبلون
بعد كذا جت الخدامة : آنسة سارة العشاء جاهز
سارة : طيب روحي أنتي خلااص .
الخدامة : طيب
وراحت وراحوا البنات مباشرة وراها لأنهم كانوا ميتين من الجوع , راحوا لغرفة الطعام طبعا بعد ما لبسوا البنات عباياتهم
تعشوا وبعدها رجعوا غرفة سارة عشان يكملون السهرة
جوري : سوير أنا نفسي أشوف فلم الحييين
سارة كنت تركب الأستريو عشان تكبر الصوت على الفلم : وأنا وش أسوي ؟
جوري : يعني بسرعة
سارة : أقول أسكتي
جوري : اففف طيب سكت ما أستعجلتي
سارة : جويري ووجع وش شايفتني فيني عشر أيادي , تبيني أستعجل قومي معاي
جوري ما تبي تقوم : ها .. لا خلاص خذي راحتك
سارة : عيــآرة .
شغلوا لهم فلم حلو فيه أشوية أكشن و نهايته رومنسي , خلصوا الفلم وقعدوا يهذروا وهم ياكلون شيبس مع الببسي والحلويات
شوق : أففف ما ودي يجي بكرة
جوري : وليه بالله ؟
شوق : لأنو إذا جا بكرة بتقرب الدراسة يوم و أنا مالي خلق
لجين : صج خبلة , هو بيجي بيجي رضيتي ولا ما رضيتي .
سارة : والله وهي الصادقة ما ودنا تجي الدراسة
جوري : يعني أحنا اللي نبيها تجي ؟ بس شنسوي قضاء و قدر
قطع عليهم صوت جوال لجين يرن لجين شافت الرقم جاسم و تذكرت اللي صار لها و ترددت ترد ولا لا ؟ قررت أنها ترد لأنو لو ماردت بيشك انها تلعب عليه وردت : هااي جسووم
جاسم : يا حلو أسمي بلسانك ولا بعد تدلعيني , أذوب أنا .
لجين سوت نفسها استحت و ما ردت عليه
جاسم : فديت اللي تستحي أنا
لجين : تسلم عمري .
جاسم : يسلمك , حبيبتي . تدري أشتقت لك
لجين : وش دعوة توك شايفني ؟
جاسم : الحب و ما يسوي , يعني إنتي ما أشتقتي لي ؟
لجين :إلا بس كنت أحسب أنك ماراح تشتاق لي .
جاسم : مجرد ما أختفيتي عن عيوني أشتقت لك
لجين ولأول مرة تحس أنها ترتاح لولد من اللي تعرفت عليهم : أشتاقت لك العافية ياعمري , وأنا بعد أشتقت لك .
جاسم : ياروحي أذوب أنا
لجين ماردت عباره استحت
جاسم : أقول عيوني أنتي بعدك عند البنات ؟
لجين : وش دراك إني عند البنات ؟
جاسم : أنتي مساعة قلتي لي أنك رايحه للبنات
لجين تذكرت : اييييه , ايه بعدي عندهم
جاسم : مطولة ؟
لجين : على حسب
جاسم : طيب عمري أخليك الحين عند ربعك و أكلمك تالي .
لجين: اوك
جاسم : باي عمري
لجين : باي
سكرت لجين من عنده و حست بشعور غريب ( معقولة أكون حبيته ؟ لا لا ما أتوقع .. بس ياربي هو الوحيد اللي حسيت بهالشعور عنده ليش ؟ أففف شيلي هالأفكار من راسك يا بنت ) وراحت عند البنات
سارة : وش دعوة حتى لو انه خطيبك .
لجين : أهو بس اسكتي زين سكر , بس ما أقول لكم ....
سارة : شنو ؟
لجين : أحس أني لما كلمته أرتحت له .
شوق : قولي حبيتيه قولي
لجين: لا ؟ أنا لجين أحب هالغيفه ؟
جوري : والله حالة ترتاح له وغيفه , بناات خلاص يولي شيلونا من سيرته خل نكمل السهرة
وكملوا سهرتهم لعب و استهبال وضحك وأكل وطبل ورقص .
------------------------
نهاية البارت الأول ..

" البارت السابع عشر "
في اليوم الثاني ..خالد و سارة كانوا في الشقة و دق جوال خالد
خالد : هذا الدكتور .. غريبة متصل ..!
سارة : بسم الله .. رد شوف وش صاير ؟
خالد رد : الو
الدكتور : السلام عليكم أخ خالد
خالد : وعليكم السلام .. أهلا دكتور
الدكتور : أهلين بيك .. أنا بس حبيت أطمنك ع مساعد
خالد : ها بشرني اشوي
الدكتور : جسمه ابتدأ يتقبل الدواء و بسرعة ما شاء الله
خالد : جد دكتور ؟ بشريتني ربي يبشرك بالخير إن شاء الله
الدكتور : لو ظل جسمه على هذي الحالة بإذن الله يوم أو يومين بالكثير و يطلع من العناية
خالد : الله يبشرك بالجنة يا دكتور
.................................................. ..............................................
عند لجين و جاسم
كانوا جالسين بالصالة ..
لجين : تصدق جاسم من زمان عن ربعي ..
جاسم : إييه ملاحظك هالأيام ما تدقي عليهم و لا يدقوا عليش وش صاير ؟
لجين : والله ما ادري عنهم
جاسم : أحسن لش و لهم .. على الأقل هالأيام أشوفك ما تطلعي مثل أول .. صرتي لي بروحي ..
لجين : هههه .. بس هذول ربعي .. أنا بقوم أدقق عليهم وحدة وحدة و بحجز كل ليلة سهرة في شقة وحدة
جاسم : ليش بكيفش ؟
لجين : ههههههههه أمزح .. أصلا ما أقدر أبعد عنك .. بس بكلمهم اشتقت لهم
و مسكت جوالها و دقت على شوق
.................................................. ..
شوق في غرفتها منسدحة وتعبانة من هالدنيا رن جوالها شافت المتصل لجين و حاولت تعدل صوتها اشوي : هلا لجون
لجين : أهلين بالقاطعة
شوق : ما احد قطع غيرش والله
لجين : إيييه أشوف الإتصالات يوميا بس انا ما ارد مو ؟
شوق : هه .. المهم وش أخبارش ؟
لجين : أنا بخير .. بس أنتي صوتش مو طبيعي في شي ؟
شوق : لا ما فيني شي .. بس توي صاحية من النوم
لجين : بذمتش أحد ينام بهالوقت ..؟ وين أكرم عنش أنتي ؟
شوق ألف و ألف سكين جت في قلبها ولا عرفت ترد ..
لجين : هلوو وينش يالطيبة ؟
شوق : معاش ..
لجين : ألا أقول وش رايش نسوي جمعة ؟ من أول يوم ولدت فيه سارة ما شفنا بعض ؟
شوق : لا ليجن .. أصلا لا أنا ولا سارة نقدر
لجين : وليه إن شاء الله ؟
شوق : أنا ما اقدر مضغوطة حيل .. و سارة أخوها بالعناية ما تقدر
لجين : يووء مساعد بالعناية وحنا ما ندري .. وش فيه ؟
شوق ( آهـ يا لجين .. تبين أقول لش من زوجي يبي يقتله ولا شنو ) : تعب فجأة و حطوه بالعناية
لجين : و عليي .. الله يكون بعونها و بعون أمها هالمسكينة ما صدقت على الله رجعت سارة إلا يصير كذا بمساعد
.................................................. ..................................................
" بعد يومين "
أم مساعد : ها يمه وش أخبارك اليوم ؟
مساعد : الحمد لله أحسن من أمس
أم مساعد : الحمد لله اللي قومك لنا بالسلامة يا قلبي
دخل عليهم خالد مع سارة و بيدها فيصل
سارة : سلام
ام مساعد و مساعد : و عليكم السلام
خالد : البشارة ..
مساعد : شنو ؟
خالد : الليلة بإذن الله بيرخصونك من هنا
مساعد : أووه و أخيرا ..
أم مساعد بخوف : طيب ليه ما يخلونه هنا ؟ أأمن له و حنا نكون متطمنين عليه
مساعد : أفا يا أم مساعد تأمني عليي عندهم و لا تأمني عليي عندك ؟
أم مساعد : بس يا ولدي لو جاك هالإبليسان أكرموه أنا ما بقدر أمسكه .. على الأقل هنا في أمن ..
خالد : شدعوة يا أم مساعد .. حتى عندش في أمن .. غير كذا احتمال يحطوا حارسين على بيتكم لين يمسكوه ..
مساعد : استغفر الله ... و إلى متى يعني ؟
خالد : إلى ما ربك يحلها
.................................................. ............
في الليل عند جوري و عماد ..
جوري : آهـ عماد ..
عماد : وش فيش ؟
جوري : آهـ .. شكلي بولد
عماد : لا بتولدي و لا هم يحزنون .. بتخليني أضرب مشوار إلى المستشفى و بعدين يطلع ألم طبيعي
جوري : عماد حرام عليك ...آآآآآآهـ
عماد : مسكي هذا علاجش خذني منه و بيروح الألم إن شاء الله
جوري : يا ربي عماد مو قادرة
عماد : اخذي الحبوب مسكي .. صدقيني ألم طبيعي ..
.................................................. .............................
لما دخلوا البيت
أم مساعد : حمد لله ع سلامتك و رجعتك للبيت يا ولدي
مساعد : الله يسلمش يمه .. ياني اشتقت له هالبيت
سارة : هه .. يلا أدخل ..
خالد : عشاكم الليلة عليي .. بدق على أمي و أبوي و شوق يجوا و بجيب لكم من مطعم محترم
سارة : أي والله أنا موت جوعانة
مساعد سمع اسم شوق و راح في عالم ثاني
خالد : هوو .. هيي .. يالطيب ..
مساعد انتبه : هلا ؟
خالد : وين رحت ؟
مساعد : معاك ..
خالد : ما انت جوعان ؟
مساعد : يعني ويعني بس إذا بتجيب ما بقول لك لا
خالد : ههههه .. طيب أنا رايح .. سارة أنتي دقي ع البيت ..
سارة : طيب
طلع خالد و أم مساعد كانت رايحة تشيل عبايتها و انفتحت الفرصة لـ مساعد
مساعد : سارة
سارة : سم ؟
مساعد : سم الله عدوش .. بس ...آآ .. شوق وش صار معاها ؟
سارة تذكرت شوق لما قالت انها تحبه و ابتسمت : موب قايله
مساعد : يؤ وليش ؟
سارة : مزاج
مساعد : يالله منش ..
سارة ابتسمت : أنا بقوم أكلمها
.................................................. ...........
خالد في السيارة و دق جواله و كان الضابط اللي متصل ..
خالد : ايوا ؟
الضابط : السلام عليكم
خالد : وعليكم السلام .. أهلين ..
الضابط : أنا حاب أخبرك أنو الليلة بإذن الله راح تكون في محاولة لإلقاء القبض على إبن عمك أكرم
خالد : وكيف ؟
الضابط : ياليت تجي عندنا للمركز و تفهم كل شي عندنا
خالد : ممم طيب مسافة الطريق و أنا جاي ..
الضابط : احنا بإنتظارك ..
سكر خالد من عند الضابط و اتصل على سارة : هلا قلبوو
سارة : أهلين فيك عمري
خالد : حبيبتي معليش أنا ما بقدر أجي اتعشى معاكم .. بتصل على المطعم و بخليه يجيب لكم العشاء للبيت
سارة : ليييييش ؟
خالد : جاني شغل فجأة
سارة : عمري .. ما تقدر تأجله لبعد العشاء على الأقل
خالد : لا والله ما أقدر
سارة : اففف .. طيب
خالد : يلا قلبي باي
سارة : باي
.................................................. .........................
وصل خالد عن الشرطة .. و بعد مكالمات و شغلة
خالد : طيب أنا ما أقدر أجي معاكم ؟
الضابط : للأسف والله .. المهمة في خطر و لو أصابك أي شي راح يكون في مسؤوليتنا
خالد : لالا .. إذا تبي أوقع لك ع ورقة أن جيتي معاكم على مسؤوليتي
الضابط : ما تقدر .. هذي مهمات داخليه و ممنوع لأي أحد أنه يتدخل فيها إلا للضرور القصوى ..
خالد بتنهيدة : طيب بس تطمنوني بـ اللي يصير .. و أتمنى أسمع أخبار حلوة
الضابط : إن شاء الله ..
دخل محمد " عميل سري و صديق لـ أكرم " : السلام عليكم
خالد : وعليكم السلام
ووقف مد يده له و سلم عليه
محمد : أنا محمد صديق أكرم ولد عمك
خالد : إيييه محمد تذكرتك .. أنت اللي كنت تجي مع أكرم أول .. بس الغريب إنك الصديق المقرب له و هو ما يعرف إنك شرطي
محمد : أنا عميل سري يعني أشتغل حسب معرفتي بالناس .. و بصراحة أبدا ما توقعت إني بيوم بوقف مع ناس على صديقي .. بس يظل القانون قانون
خالد : طيب ما قلت لي أنت كيف عرفت بهالقضية ؟
محمد : القضايا اللي مثل كذا لازم يكون عندي خبر عنها .. غير كذا في ليلة دق عليي أكرم أروح له و لما رحت قال لي عن كل شي ما يدري إني أنا اللي بوقع به ..
خالد : طيب و كيف بتفضح نفسك قدامه ؟ بتطلع نفسك خاين عنده ؟
محمد : لالا .. أبدا ما راح يحس بشي .. راح أكون جالس معاه عادي مثل المرة اللي راحت .. و إذا دخلوا الرجال راح أمثل الدور عدل لا تخاف عليي
خالد : أهاا .. الله يكون بعونكم
محمد : هذا هو دق ..... أيوا أكرم .........أووه تصدق نسيتك .........طيب ...... طيب خلاص ارسل لي اللي تبي و الحين أجيك .... طيب ... يلا مع السلامة
الضابط : أخ خالد .. أنت الحين تقدر تتفضل لبيتكم واحنا إذا صار أي شي راح نخبرك ..
خالد : طيب .. بإنتظار إتصال منك ..
.................................................. .................................................. ..
في شقة لجين
جاسم : تعالي ننزل تحت
لجين : أنت ما بتطلع ؟
جاسم : لا مالي خلق
لجين : طيب براحتك .. دقايق أجيب عباتي .. أنتظرني ننزل مع بعض
جاسم : طيب ..
راحت لجين و جابت عبايتها وطلعوا من الشقة نازلين ..
لجين : عمري ترى موعدي بكره الصباح ..
جاسم : أووه الساعة كم ؟
لجين : ما اذكر بس يتروالي تسع أو تسع ونص كذا
جاسم : اووه مبكر .. يعني يبغالنا من 8 نجلس ..
لجين : إيييه
.................................................. .
و في شقة جوري
عماد : ها خف الألم الحين ؟
جوري : إييه الحمد لله
عماد : شفتي ؟ .. كان الحين خليتينا نضرب مشوار بدون شي ..
جوري : والله أنا شكلي ما بولد و السبة كذا
عماد : شدعوة عمري
جوري : والله هذي المرة الثانية أحس بألم ويطلع ولا شي
عماد : إن شاء الله خير ..
.................................................. ................
وصل خالد بيت أبو مساعد و دخل الصالة كان موجود فيها أبوه و مساعد ..: السلام عليكم
الكل : وعليكم السلام
خالد : ها تعشيتوا ؟
مساعد : لا والله .. توه واصل عشاك و هذا هم راحوا يصفونه .
خالد : ممم و وينهم هم ؟
مساعد : يعني يصفوا العشاء وين بغرفتي مثلا ؟ أكيد بالمطبخ ..
خالد : يمكن بغرفة الطعام طيب ..
مساعد : بغرفة الطعام و المطبخ .. زين ؟
خالد : إييه زين ..
وراح للمطبخ : السلام
الكل : وعليكم السلام ..
سارة : زين جيت توه واصل العشاء ..خلصت شغلك ؟
خالد : لا والله يعني و يعني .. إلا وين فصول ؟
سارة : عند أمي في الصالة
خالد : بس أمش مو بالصالة
سارة : آممم مدري أجل يمكن راحت تنومه بالغرفة داخل
خالد : طيب بروح أشوف ..
.................................................. ...............
في جهة ثانية .. أخذ محمد الأغراض اللي طلبها منه أكرم و توجه لجهة الجبل اللي كان أكرم متخبي فيه .. دخل ولا شافه ( غريبة وين بيكون راح ؟ ) دق عليه : هلا .. وينك أنت ؟
أكرم : وراك
التف محمد و سكر الجوال : أهلين
أكرم : أهلين فيك .. جبت الأغراض اللي قلت لك ؟
محمد : إييه هذا هم ..
أكرم : مشكور .. تصدق جوعان مووت ..أبي آكل أي شيء
محمد : هذا أكل يمك كل اللي تبي ..
رن جوال محمد في هاللحظة ..
محمد : عن أذنك اشوي ..
و قام طلع و هذا اللي خلا أكرم يشك أنو في شي لأن مو معقولة بيرن الجوال و بيقوم من جنبه و بالذات أن هالشي مو من عوايد محمد أول حتى لو اتصلت زوجته ما يقوم يطلع برى .. و قام لحقه و وقف داخل ع النهاية بحيث أنه يسمعه
محمد و يحاول يخفف صوته : ألو .. أهلا حضرة الظابط .. إييه أنا عنده الحين .. طيب ..
أكرم ( وش مثلا بينه وبين الشرطة .. بسم الله كان ما يصير مبلغ الشرطة عني ؟! .. لالا ما اتوقع ما يسويها محمد .. بس هذا هو يقول الحين انا عنده .. ياربي ..)
محمد : هوو .. يا ابو الشباب وين رحت ..؟
أكرم : ها لا معاك ..إلا من كنت تكلم هاللي قمت من جنبي ؟
محمد : في غيرها هالمرة ؟
أكرم ( لا السالفة فيها شي فيها )
.................................................. ...
في بيت أبو مساعد
ع العشاء ..الكل كان جالس و شوق كانت متحجبة و جالسة منزلة راسها وما تاكل أبد .. أما مساعد فـ حاول أنه ما يطلع فيها وبالأخص لأن خالد موجود
سارة : خالد ..
خالد : هلا ..
سارة : شرايك نسوي العشاء اللي قلنا قبل
خالد : أي عشاء ؟
سارة : الحفلة على قولتك
خالد : إييييه ذكرتيني .. صحيح .. أنا قايل إذا طلع مساعد بالسلامة نسويها عشان تصير الفرحة فرحتين .. خلاص نحدد ليلة و نسويها
سارة : خل نسويها ليلة الجمعة الجاية
خالد تذكر قصة أكرم اللي ما قال لهم عنها : آآآ إن شاء الله أحاول إذا قدرت
.................................................. .........................
في الجهة الثانية عند الجبل ..
توزعوا رجال الشرطة و حاصروا المكان اللي فيه أكرم و محمد .. و دخل الضابط مع مجموعة رجال عليهم
الضابط وهو ماسك المسدس و مأشره على أكرم : سلم نفسك ..
أكرم عرف أن محمد متآمر معاهم من المكالمة اللي قبل اشوي
الضابط : سلم نفسك المكان كله محاصر و ما تقدر تنفذ من ولا جهة
أكرم ما عرف وش يسوي و مستحيل يسلم نفسه لهم و ظل واقف محتار و لما شاف الرجال ابتدت تقرب لعنده .. شاف أقرب شي يمه السكين مسكها و حطها على رقبة محمد لأنه عارف أنه متآمر معاهم : إذا واحد منكم يقرب خطوة وحدة بس والله لقطع رقبته
محمد : أكرم وش فيك ؟ أنا صديقك
أكرم : صديقي و تتآمر معاهم علي ؟
محمد : أنا ما تآمرت مع أحد صدقني ..
أكرم : و التلفون اللي جاك قبل اشوي ؟
محمد : قلت لك المرة هذي
أكرم : لا يا محمد مو عليي أنا .. أنا سمعتك بأذني تقول إيه يا حضرة الضابط أنا معه الحين
الضابط : أترك الرجال يا أكرم .. إن قتلته راح تزيد الحكم عليك و أحنا بنلقي القبض عليك يعني ما انت مستفيد شي غير إنك بتخسر صديقك ..
أكرم : هه ما تقدروا ..
.................................................. ...................
نهاية البارت السابع عشر

البارت الثامن عشر
أكرم : هه ما تقدروا .., بعدوا عن طريقي ..
و ما احد تحرك
أكرم : ما تفهموا بعدوا ..
الضابط : بعدوا ..
تقدم أكرم وبيده السكين و حاطها ع رقبة محمد و يسحب محمد معاه ..
أشر الضابط للشرطي اللي كان خلف أكرم أنه يقدم له .. بس أكرم أنتبه و على طول التفت إلى ورى
.................................................. .................................................. ...................................
في بيت بو مساعد بعد العشاء ..
سارة : خالد ....
خالد : ..............
سارة : خالد .. .... يوؤ خالد وش فيك ؟
خالد أنتبه : ها هلا ؟
سارة : وش فيك من جيت و أنت سرحان ؟
خالد : لا بس ... أأا أحاتي الشغل اللي قبل أشوي رحت له
سارة : شغل شنو هذا ؟ ولا بحياتي شفتك تفكر في شغلك كذا ..
خالد : أأآآ ....
قاطعتهم شوق : سارة
التفت سارة عليها : هلا ؟
شوق : فصول جلس و شكله جوعان وين حليبه ؟
سارة : مممم ما اذكر وين حطيته .. خلاص بقوم أنا ادور له و أسوي لفصول الحليب جلسي انتي
شوق : طيب
كانت في عيون ما نزلت عن شوق تراقبها في كل حركة سوتها و كل كلمة نطقتها و لما جلست شوق حس أن خالد أنتبه له فحاول أنه يخفف من هالنظرات القوية ..
أبو خالد : إلا خالد وش صار بسالفة أكرم ؟
خالد : ها ؟
أبو خالد : شفيك أنت الليلة مو على بعضك أبد ..؟
خالد : لا ما فيني ولا شي ..
أبو خالد : طيب ما قلت لي وش صار مع أكرم ؟
خالد : ما ادري .., أنا الضابط قال لي اذا صار أي شي بيدق ولا دق يعني ما صار شي
.................................................. .......
عند لجين و جاسم
لجين : أقول جاسم بكرة في الليل بروح لـسارة و شوق طيب ؟
جاسم : يعني اذا رحتي بيقوم مساعد مثلا ؟
لجين : شفيك ؟ طلعوه اليوم و بروح أتحمد السلامة لهم
أم جاسم : ليش وش فيه ؟
لجين : والله تعب فجأة و ونقلوه المستشفى و على طول للعناية
أم جاسم : يؤ .. و وش أخباره الحين ؟
لجين : شوق تقول أنه أحسن بكثير ..
أم جاسم / ما يشوف شر إن شاء الله .. خلاص بكرة نروح أنا و أنتي مع بعض
لجين : إن شاء الله
.................................................. ...
" عند عماد و جوري "
جوري : ي الله يا عماد شقد احس بتعب ودي اولد اليوم قبل باكر
عماد : والله حتى انا ودي تولدي بس شنسوي ما باليد حيله
جوري : إلا أقول عماد ., وش بنسمي ولدنآ إذآ جا ؟
عماد : مممم متعب حلو صح
جوري : لالا مو حلو .,
عماد : أجل وش الحلو ي قلبي ؟
جوري : ممممم عبد الله ؟
عماد : اييه والله حلو الاسم و بعدين يسموني بو عبد الله وناسة
جوري : و انا ام عبد الله ويييي لا مو حلو عماد غيره
.................................................. .......
أشر الضابط للشرطي اللي كان خلف أكرم أنه يقدم له .. بس أكرم أنتبه و على طول التفت إلى ورى
أكرم : إن قربت والله أقتله ... بعدو عن طريقي بسسرعة .. بعدووو
الضابط : بعدوا ..
أكرم : إن حاولتوا تلحقوني ولا شي ترى محمد معاي قسم بالله أقتله
وركب و ركب محمد جنبه في سيارة محمد و قفل الأبواب و مشى
الضابط مباشره اتصل على الضابط أحمد الموجود بـ المركز و خبره عن الجهة المتوجه لها أكرم
........................................
في بيت أبو مساعد
كانوا جالسين يشربوا شاي مساعد كان يراقب شوق من دقيقة لـ دقيقة و شوق بعد كانت تراقبه بهدوء أما خالد فـ كان منشغل باله و وش ممكن يصير مع أكرم و الشرطة قرر و أخيرا انه يتصل بـ المركز : عن إذنكم دقايق
مساعد : خذ راحتك
طلع خالد للحديقة و اتصل بالمركز
السكرتي : الو ؟
خالد : السلام عليكم
السكرتي : وعليكم السلام اخوي ., أي مساعده ؟
خالد : ممكن تحولني ع الضابط أحمد ؟
السكرتي : مين أقول له ؟
خالد : خالد الـ ....
السكرتي : ثواني بس
الضابط أحمد : الو أهلا استاذ خالد
خالد : هلا بيك .. ها بشر وش صار مع أكرم ؟
الضابط أحمد : والله مدري وش أقول لك جانا إتصال إنه هرب و الحين هو متجه للجهة الغربية و انا الآن أجهز الدوريات عشآن نقابله
خالد : لا حول الله ., الله يكون بعونكم
سكر خالد من عنده ودخل داخل
خالد : سارة حبيبتي انا طالع مشوار ضروري وراجع
سارة : طيب انتبه على نفسك
خالد : اوك ..
.........................................
في الجهة الغربية و في شارع الـ ...... كان أكرم يمشي بسرعة عالية
محمد : خاف ربك ي أكرم وسلم نفسك
أكرم : أنت أسكت والله ما كان هذا ظني فيك توقعتك رجال عن حق و حقيق بس طلعت مو قد كلمتك ولا بقد إنك توفي حتى لـ صديق
محمد : أكرم أنا ما سويت كذا إلا لـ مصلحتك
أكرم : روح زين مصلحتي و مصلحتي ..
محمد بصراخ : أكرم انتبه
أكرم وقف السياره لما شاف سيارات الشرطة اللي قدامه التف لـ ورى و ع الجنب بس شاف نفسه محاصر
تكلم الضابط أحمد : ي أكرم سلم نفسك أنت محاصر من جميع الجهات ..
بـ هاللحظة وصل خالد : لو سحمت ي إستاذ أحمد ممكن أكلم أكرم
الضابط أحمد : تفضل بس بـ المايك
خالد : أوك .. أكرم بلييز سلم نفسك إذآ تعز شوق زوجتك سلم نفسك
أكرم ما أثر فيه ولا شي من هالكلام و قرر يهرب رجع لـ ورى بالسيارة لين مآ وصل عند سيارات الشرطة اللي وراه و صار يمشي لـ قدام بسسرعة جنونية .. رجال الأمن بعدو عن طريقه لأن لو صدم واحد منهم أكيد راح يموت ..
...................................
" عند عماد و جوري "
جوري : اوف عماد وش هالأسماء اللي تجيبها انت والله ولا أسم قلته حلو
عماد : لا عدال ع الأسماء اللي قلتيها انتي
جوري : اوووف والحل طيب ؟
عماد : اممم الحل انو ننزل تحت و نسألهم
جوري : لا والله أنا ما ابيهم يعرفون وش بجيب خليها مفاجأة أحلى
عماد : لا حول انتي ما يعجبك شي .. طيب وش الحل برايك ؟
جوري : الحل ممم الحل ... ايييه .. اسمع انا بكتب إسمين عجبوني و انت تكتب إسمين عجبوك و راح أجيب علبة و ننثرهم من فوق واللي يطيح داخل العلبة ثلاث مرات هو اللي بنسميه أوك ؟
عماد : أوك
.................................
تقدم أكرم بسرعة جنونية و اصطدم بـ سيارات الشرطة و ما قدر يثبت السيارة و انقلبت بهم و ما ينسمع غير صوت صراخهم من داخل السيارة
الضابط أحمد :الإسعاف بسرعة
و تقدم لـ جهة السيارة و طلع منها وآحد يكح و مو عارف يمشي عدل لحقه خالد و سيارة الإسعاف
اللي طلع كان محمد أخذوه ع سيارة الإسعاف و بذلوا جهدهم عشان يطلعون أكرم من السيارة و بعد محاولات متعبة طلعوه فاقد الوعي
...........................................
" عند عماد و جوري "
الجوري كتبت راكان + ريان
و عماد كتب متعب + تركي
و هذي أول مره بيرموهم
جوري : أنا أرمي ..
عماد : طيب بس بدون غش
جوري : ههه طيب
و رمتهم طاحت ورقتين فتحوهم الأولى : ريان و الثانية متعب
عماد : تعادل ههههه يلا ارميهم ثانية
رمتهم وطاحت ورقة فتحوها متعب
عماد : يلا عاد أنا برمي الحين
ورماهم طاحت ورقتين الأولى متعب و الثانية راكان
جوري : أنا ارمي ..
عماد : لا رميتي مرتين انتي انا الحين ثانية
جوري : اوف طيب
رماهم عماد و طاحت ورقتين الأولى ريان و الثانية متعب
عماد : وااااااو متعب طلع ثلاث مرات ..,
جوري : اوف
عماد : والله و انرزيت يا بو متعب

..........................................
في بيت أبو مساعد
أم خالد : انا بدق على بو خالد بخليه يجي ياخذني تأخر الوقت
أم مساعد : تو الناس الله يهديك ما شبعنا منكم
أم خالد : لا والله لا تو الناس ولا شي خلاص دامك ما شبعتي منا زورينا يوم
أم مساعد : إن شاء الله إذا قدرت من عيوني الثنتين
أم خالد بعد ما دقت ع أبو خالد يجي ياخذها : سارة انتي بتروحين معنا ولا بتنتظرين خالد ؟
سارة : بنتظره ي ربي مدري ليه خايفة كذا أدق عليه مقفل جواله و مو من عادته يتأخر كذا
مساعد : هو قال لك رايح مشوار ضروري و يمكن أخروه بالشغل
سارة : مدري والله قلبي مو مرتاح أبد
رن جوال سارة و كان المتصل خالد
سارة : الو حبيبي وينك ؟
خالد : هلا حبيبتي أنا الحين بـ المستشفى مع ..
قاطعته سارة : بـ المستشفى ؟ ليييش ؟
خالد : سارون اسمعيني عدل و هدي اعصابك
سارة : خالد قول لي وش فيك ما بقى فيني أعصاب
خالد : لا حول الله انا ما فيني شي
سارة بخوف : أجل وش اللي موديك المستشفى ؟
خالد : الشرطة مسكت أكرم بس بعد ما صار له حادث و الحين انا جاي مع الشرطة نشوف حالته كيف
سارة بفرح : صج ؟ ألف الحمد لله يا رب ..طيب هو صابه شي ؟
خالد : والله مدري كل اللي قاله الدكتور انو حالته مستقره إلى الآن ..
خالد : يلا قلبي أنا بسكر الحين و لا تحاتي لو تأخرت
سارة : أوك حياتي أنا بنتظرك ببيت أهلي
خالد : أوك ي الله مع السلامة
سارة : مع السلامة
و بعد ما سكرت من عنده
سارة : البشارة يا مساعد البشارة يا شوق
مساعد و شوق بوقت واحد : شنو ؟
كل واحد طلع في الثاني و التقت عيونهم ببعض س شوق ع طول لفت ع سارة و بارتباك : ها بشري ؟
سارة : مسكوا أكرم و الحين هو بالمستشفى
شوق : بالمستشفى ؟ ليش ؟
مساعد إنقهر و حس بالغيرة لما شافها خايفة عليه بس هذا زوجها و من حقها
سارة : والله مدري الظاهر صاير له حادث بس خالد يقول إن حالته مستقرة
................................................
وبكذا انقضت الليلة ع الكل
" سارة & خالد "
اخذوا ولدهم فيصل و راحوا ينامون ببيتهم
" مساعد & أم مساعد "
و أخيرا ناموا بأمان و بدون خوف
رغم إن مساعد ما قدر ينام بسهولة من كثر تفكيره بشوق
" شوق "
نامت و هي تفكر في أكرم هل بيطلقها بسهولة ؟ معقولة تكون حبت مساعد ؟
" أكرم "
كان منوم و لما جلس حاول يهرب بس ما قدر و طول ليله يفكر بشوق و بطلاقها و بريم زوجته
" جوري & عماد "
جوري انقهرت في البداية من اسم متعب ولدها اللي راح يجي بس بعدها اقتنعت
" لجين & جاسم "
مثل كل ليلة ما تغير شي
..........................
" في الصباح – عند لجين و جاسم "
جاسم : لجوون حبيبتي انا رايح الشغل الحين تبي أجيب لك شي و انا جاي ؟
لجين : سلامتك حبيبي بس انتبه ع نفسك
جاسم : يسسلمك ربي و يخليك لي ( و باسها ) يلا سلام
لجين : سلام
.............................
" و في بيت أبو خالد "
نزلت سارة بعد ما نزل خالد مع ولده فيصل عشان يفطرون
سارة : صباح الخير
الكل : صباح النور
سارة : عسى ما تأخرت بس
ام خالد : لا أبد تونا حاطين الفطور .. تفضلي
جلست سارة و لحظة سكوت بسيطة قطعها خالد
خالد : شوق اليوم بينقولون أكرم ع السجن بروح له أنا و بطلب منه يطلقك
شوق بفرح : تسوي فيني خير ي أخوي
ابو خالد بانت على وجهه ملامح غريبة و طبعا هذا من حبه لـ بنته لأنها راح تصير مطلقة
اما سارة فـ فرحت لـ شوق و لأخوها اللي إن شاء الله راح تكون من نصيبه
.............................
" في بيت ابو مساعد "
ام مساعد : قوم ي يمه أفطر اترك عنك ه التلفزيون
مساعد : يمه و اللي يرحم والديك مالي خلق آكل شي أبد ..
أم مساعد : الله يصبر اللي بتاخذك عليك
مساعد : هذا إذا كان في وحده بتاخذني
أم مساعد : شنو يعني بتحرمني من شوفت عيالك ؟
مساعد : يمه سكري الموضوع خلاص
رن التلفون في هـ اللحظة ورد مساعد
مساعد : هلا والله بأختي ..... أخبارك ؟ ...... من زمان عنك ي الدوبة ليه هونتي ما تجي عندنا ............ جد ؟ ......... حياك الله إذا ما شالتك الشرقية تشيلك عيونا ...... هذي هي يمي ... طيب
مساعد : يمه هذي ميساء تبي تكلمك
أم مساعد : هلا يمه
وطبعا قالت لها عن ولادة سارة و عن اللي صار مع مساعد و لما سألتها عن السبب قالت لها إن أكرم يمكن عرف إن مساعد كان حاط عينه على شوق و من غيرته عليها سوى كذا
.......................................
" عند جوري و عماد "
عماد : جوري .... جوري حبيبتي قومي بسك نوم
جوري : يووه عماد بعد خليني انام
عماد : و انا من يسوي لي فطور ؟
جوري : افف خلاص روح الصالة اشوي و بقوم أسوي لك الحين
عماد : طيب لا تتأخري
.............................................
ميساء : أفا بس ي يمه كل هذا يصير و انا ما عندي خبر ؟
أم مساعد : والله من كثر اللي صار ما ذكرتك ., و انتي بعد الله يهداك ما تدقين ولا تسألين
ميساء : و أنا بعد إنشغلت مع حملي و تعرفي مشاغل هالدنيا و ع فكرة ترى أنا الحين جاية لكم بالطريق
...............................................

النهــــــــــــــــــــــــــــــــــــــــــــاي ة

خآلد و ساره حددوآ موعد و حجزوآ إستراحة .,

و في ليلة الجمعة في الإسترآحة ساره كانت بالاستراحة من العصر مع شوق يجهزون و يرتبون لـ الضيوف و بعد الصلاه بالليل

ساره : آوف تعبت

شوق : ي الله معليه هانت هذا احنا خلصنا .,

ساره : ايه , طيب شوق معليش إنتبهي لـ فيصل على مآ أبدل و أتعدل ., أوك ؟

شوق : أوك س لا تطولي لأن أنا بعد ببدل و بتعدل .,

ساره : طيب .,

بيت أبو مساعد ,
مساعد : يلام يساء قومي أجهزي بنروح الإستراحة

ميساء : شدعوه من الحين ؟

مساعد : لا مو من الحين بس أنتِ يبغالك أقل شي ساعة و نص تتعدلي

ميساء : ههههه شدعوه وش شايفني ,

مساعد : جد ترى أتكلم الساعة 9أنا ماشي عاد كيفك جهزتي ما جهزتي مشكلتك هذي

ميساء : طيب ولا يهمك

....,

وصلوآ المعازيم كلهم و ا نحط العشاء و تجمع الكل

البنات كلهم كانوآ جالسين ع طاولة وحده

ساره : بس كأنك طولتي ولا يتهيأ لي ؟

جوري : إي والله طولت حيل ., بس أحسس إن ما بتطلع هـ اليومين قبل أولد ., أصلا أنا اليوم حدي دآيخة مول زين قدرت أجي .,

ساره : ي الله الله يعينك و يقومك بالسلامة

جوري : يسلمك ربي .,
أم مساعد : ساره قومي لـ ولدك جلس

ساره : آوف تيب ., الله يعينكم بس ع العيال إنتوآ

لجين : هههه الله يعين وش ورانا بعد !

رآحت ساره لـ ولدها و كملوا البنات سوالفهم .,

جوري : بققوم أنآ أحس تعبت من الجلسة ع الكرسي ., ( و وقفت ) آهـ .,

روان : جوري وش فيك ؟

جوري جلست ع الكنب بتعب : آه بمووت روآن لححقي علي .,

لجين : روان دقي على أخوك

روان : طيب طيب ., " وبعد المكالمة " ساعديني ألبسها العباية .,

جوري : آآآهـ

سارة واللي سمعت صرآخ جوري و جت تركض شافتهم مجتمعين ع جوري جهة الكنب : خير وش صاير .,؟

شوق : جوري شكلها بتولد .,

سارة : طيب حملوها ودوها المستشفى .,

شوق : إتصلت روان على عماد و قال لها نطلعها بس مو عارفين نلبسها عبايتها

سارة : مسسكي " و عطتها فيصل و تقدمت تساعدهم "

ساره : روان إنتِ روحي إلبسي عبايتك عشان تركبي معاها

روان : طيب ., " لبست عبايتها و رجعت " ي بنات عماد بيدخل بياخذها تغطوآ

البنات طلععوا عششان يدخل عماد دخل عماد : جو.... " إنصدم لما شافها ., ما توقعها بتكون كذا بيوم ولادتها كانت شبه منسدحة ع الكنب و التعععب وااااضح على وجهها و جسمها كله "

عماد : روان افتحي الباب

فتحت روان الباب و طلع عماد و لحقته روان لـ السياره ركب جوري ورى و ركبت روان جنبها

..............

في الإستراحة :

أم سالم : أنا بدق على سالم يوديني عند بنتي

أم خالد : ماله داعي تتعبي نفسك أكيد عماد بيتصل يطمنك و يطمنآ

أم سالم بتنهيده : طيب ., يا ربي تسساعدها .,

............

الكل راح لـ بيته لأن جوري تأخرت

و عماد رجع مع روان و خلوا جوري بالمستشفى

و ب الصباح :

صحى على صوت الجوال الساعة 9 شاف الجوال مكالمة من المستشفى ورد بسرعة : ألو ؟

المستشفى : أنتِ عمآد الـ..... زوج المدام جوري ؟

عماد : إيوا أنا ., ها بشري ي دكتوره ؟

الدكتوره : ألف الحمد لله ع سلامة زوجتك و مبروك البي بي الصغير .,

عماد : الله يبارك فيك و كيفهم الحين ؟

الدكتوره : الحمد لله الأثنين بأتم صحة وعافية

عماد : يبشرك ربي بالجنة .,/ دقايق و أكون عندكم .,

قام من على المفرش بسرعة و لبس و نزل ما شاف أحد جالس و توجه لـ المستشفى على طول

و بالطريق إتصل على بيت أم سالم

كانت أم سالم تقرأ قرآن لأنها من كثر ما تحاتي بنتها ما قدرت تنام ., ولما سمعت صوت التلفون على طول فزت : ألو ؟

عماد : قوه خالتي

أم سالم : الله يقويك ها ولدي بشر ؟

عماد : أبششرك ي خالة بنتك صارت أم متعب .,

أم سالم : ألف الحمد لله و الشكر لك يارب .,/ مبروك مآ جاك ي ولدي

عماد : الله يبارك فيك .,/ يلا أنا وصلت المستشفى مع السلامة

أم سالم : مع السلامة .,

.............................

وبالعصر إنتشر خبر وصول متعب و تجمع الكل بالمستشفى ..

................................................

وبعد مرور ثلاث سنوآت

ساره & خالد
عايشين ب راحة مع عيالهم

فيصل : 3 سنوات ونص

+

مهآ : 6 شهور

لجين & جاسم
ربي عوضهم بَ توأم

بنت : رحاب + ولد : عبد الله

مساعد & شوق

مساعد ما صدق على الله طلعت شوق من عدتها على طول خطبها و تزوجها و الحين هي حامل ., وساكنين مع أم مساعد ب بيت

أكرم & ريم

أكرم خبر ريم إنه كان متهاوش مع واحد من زملاءه ب سالفة قوية و ما قدر يمسك أعصابه و ضربه

و باقي له سنتين بالسجن و ريم تنتظره

أما عن قصة طلاقه لـ شوق ف قال لها إنها هي طلبت منه ولا يعرف السبب

جوري & عماد

مبسوطين حييل بَ ولدهم متعب اللي عمره 3 سنوات

و جوري حامل و عماد طبعا متوهق ب حملها و طلباتها

سالم & روان

سالم شاف روان يوم ولادة إخته جوري بالصدفة و حبها ف خطبها و تزوجها

ميساء & زوجها عبد الجليل

عبد الجليل حول شغله لـ الشرقية ف صارت قريبة من أهلها

عندهم بنت : ساره : سنتين

العنود & فهد

تزوجها فهد اللي خطب ساره من قبل و هو حييل مبسوط معاها

وكذا أختم روايتي

أتمنى تكون عجبتكم [ندعوك للتسجيل في المنتدى أو التعريف بنفسك لمعاينة هذه الصورة]

هههههههههه يً لببببببى عـلو ؤ و ؤ شششش , !
نشتطتلييي قسمي بطلبآإتهآآ :@
ششششششوكڪَكرن مرررررررررررررررآإهه عوومري ..
لآإععسسآإني أنححرم هـ الططًلهه بـ قسمي [ندعوك للتسجيل في المنتدى أو التعريف بنفسك لمعاينة هذه الصورة]
لكً أطططلٌق ذآإ +
آند ينقل للروآيآت المڪَـتملة ^^

الع’’ـفو

منورهةة يً بع’ـدي

....

» رواية الله معك وانا الله يصبرني
» رواية أطباء في الحب \ رواية حجازية
» رواية فمان الله ي الغالي..
» رواية نهاية جنون \ رواية حجازية للكاتبة قطعة شوكلاتة
» رواية وش جاه محبوبي مشى وخلآني مابين نيراني وبين احزني / رواية جريئة رومانسية